Priti 41 kg drogë nga Kanadaja, 46-vjeçari shqiptar hesht në gjykatë

46-vjeçari shqiptar, i mbrojtur nga avokati Gianluca Carlone, me banim në Chieti dhe i arrestuar në një hotel në Rimini, zgjodhi të mos përgjigjej gjatë marrjes në pyetje.

Burri, i konsideruar nga hetuesit si marrësi përfundimtar i një ngarkese të madhe me mbi 41 kilogramë marijuanë dhe hashash me origjinë nga Kanadaja, u paraqit para gjyqtarit për marrjen në pyetje të garancisë, por zgjodhi të heshtë.

46-vjeçari i shpëtoi operacionit të policisë italiane më 3 shtator, kur policia ndaloi furgonin me drogën e fshehur brenda një kompresori dhe arrestoi drejtuesin e mjetit, një sipërmarrës 39-vjeçar.

I dyshuari, i cili drejtonte një Fiat 500L që shërbente si automjet pararojë, arriti të largohej mes trafikut.

Megjithatë, hetimet e mëtejshme, bazuar në të dhënat e komunikimeve telefonike dhe ndjekjet e kryera nga skuadra e lëvizshme e policisë së Chietit, bënë të mundur lokalizimin e tij në Rimini.

46-vjeçari do të qëndrojë në burg, me vendim të gjyqtarit, i cili ka konstatuar ekzistencën e një rreziku konkret arratisjeje. /PiranjatNews/