Ato që ishin planifikuar si pushime familjare për vëlla e motër, bashkë me partnerët e tyre, shqiptarë që jetonin në...
AKTUALITET
Shifrat e “çmendura” prej miliona euro të fitimeve të kompanisë së Ergys Agasit brenda 4 muajve të parë
PiranjatPërditësimi i fundit 27 Shtator 2026, 21:10
Kompania e Ergys Agasit i arrestuar me urdhër të SPAK për grup të strukturuar kriminal brenda AKSHI-t, në vetëm muaj ka arritur fitime stratosferike. E sapo krijuar në shtator të vitit 2023, brenda po atij viti, kompania arriti në shifra tejet të larta, duke krijuar xhiro prej rreth 2.4 milionë Euro.
Duke cituar të dhëna nga Open Data Albania, gazetari Ermal Mulosmani, ka bërë një përllogaritje të thjeshtë të shifrave, duke theksuar se kompania e Agasit mund të jetë rasti i parë në botë që raporti fitim/xhiro është në nivelin 96%.
Postimi:
Ky është bilanci i periudhës Shtator-Dhjetor 2023 për Kompaninë Ergys Agasi Solution sipas Open Data Albania. Pra vetëm 4 muaj.
Ka pasë xhiro totale për 242, 430, 242 lekë. Pra rreth 2.4 milionë Euro. Një kompani që sapo ishte krijuar.
Ndërkohë, fitimi i deklaruar është 232,149,632 lekë. Ose, afërsisht 2.3 milionë Euro.
Diferenca prej 2.4 milionë- 2.3 milionë është 100 mijë euro.
Mund të jetë rasti i parë në botë që raporti fitim/xhiro është në nivelin 96%.
Fitimi mujor i një Kompanie të sapokrijuar është 600 mijë euro! Shpenzimet mujore 25 mijë.
Mendoj se ka një arsye për praninë e solution në emrin e kompanisë.
