EMRI/ Jetonte i vetëm dhe i paralizuar, identifikohet viktima e zjarrit në Fier

Një ngjarje e rëndë është shënuar mbrëmjen e sotme në fshatin Fermë Çlirim, ku një 70-vjeçar ka humbur jetën si pasojë e një zjarri që përfshiu banesën e tij.

Ngjarja ka ndodhur rreth orës 19:00, në banesën e shtetasit Flamur Braçe, rreth 70 vjeç, i cili jetonte i vetëm.

Sipas informacionit paraprak, i moshuari ishte i paralizuar dhe, për shkak të pamundësisë për të lëvizur, nuk ka mundur të largohej nga banesa në momentin kur ajo u përfshi nga flakët. Si pasojë, Flamur Braçe ka humbur jetën.

Në vendngjarje ndodhet grupi hetimor, i cili nën drejtimin e Prokurorisë po vijon veprimet për dokumentimin e plotë të rrethanave të ngjarjes dhe përcaktimin e shkakut të rënies së zjarrit.