Shpërthimi në Sarandë/ Karburanti “Ano Oil” prej tre muajsh i mbyllur, dy punonjësit po përgatitnin ambientin për ta bërë funksional

Detaje të reja vijojnë të dalin nga shpërthimi i fortë në pikën e karburantit “Ano Oil” në rrugën “Skënderbeu” në Sarandë, ku mbetën të plagosur rëndë dy persona. Sipas informacioneve, karburanti ka qenë i mbyllur për një periudhë tre mujore, ndërsa punonjësit po përgatitnin ambientin për ta bërë funksional.

Punëtorët e mirëmbajtjes së karburantit, Fatmir Pema 39 vjeç dhe Florian Bica 27-vjeç, kanë qenë duke punuar me një mjet prerës, troko, dhe nga shkëndijat dyshohet të jetë shkaktuar shpërthimi. Si paosjë e shpërthimit, Fatmir Pema ka pësuar djegie në trup, ndërsa Florian Bica është transportuar në spital pas tronditjeve nga shpërthimi.