SKANDAL/ Rezidenca Qeveritare në Durrës kthehet ne “kosh mbeturinash"

Një situatë alarmante dhe e paprecedentë po ndodh në një nga zonat më të rëndësishme të sigurisë së lartë në vend. Rezidenca Qeveritare në Plazhin e Durrësit, një pikë që mbrohet me status të veçantë ligjor, është pushtuar nga mbeturinat dhe inertet.

Denoncimet e qytetarëve të ardhura tregojnë për një skandal mjedisor ne vendin ku duhej të mbretëronte pastërtia dhe imazhi i shtetit.

Mbetje ndërtimore, plastikë dhe papastërti të çdo lloji, kane pushtuar Zonën Ushtarake.

Si ka mundësi që një hapësirë me status të mbrojtur qeveritar të degradojë në këtë pikë? Kush mban përgjegjësi për lejimin e hedhjes së inerteve në këtë perimetër?

Ndotja masive jo vetëm që shkatërron imazhin e vijës bregdetare të Durrësit, por përbën një rrezik serioz për mjedisin dhe shëndetin publik në kulmin e periudhës kur kjo zonë duhet të administrohej me rigorozitet të lartë.

“Ora News” do të vazhdojë ta ndjekë hap pas hapi këtë situatë deri në pastrimin e plotë të zonës .

Degradimi i zonave të mbrojtura nuk mund të kalojë në heshtje!/ Ora News