U vra nga pronari italian i banesës, del autopsia për 36-vjeçarin Gjovalin Lazri. Si njihej në zonë përtej “jetës së dyfishtë”

Pak ditë pas vrasjes së 36-vjeçarit shqiptar Gjovalin Lazri nga pronari italian i një banese, mediat italiane japin të tjera detaje për ngjarjen.

Pasi u largua nga Shqipëria, Tgcom shkruan se Lazri u zhvendos në periferi veriore të kryeqytetit piemontez me gruan e tij, me të cilën pati një djalë. Me profesion barist , Lazri mbahet mend nga fqinjët dhe klientët si një person i qetë.

"Një familje e respektueshme, jashtëzakonisht e rezervuar. Nuk dimë shumë për ta, nuk flasin shumë, i shohim me fëmijën. Por nuk ka pasur kurrë probleme", thanë fqinjët pas tragjedisë. "Më vjen keq, nuk e dija që po e bënte këtë “vjedhje” , më duket e çuditshme. Nuk e prisja", tha një klient i barit. 

Analiza fillestare: "Viktima u godit nga një plumb i vetëm"

Ndërkohë, rezultatet paraprake, ende të pa konfirmuara, nga analizat fillestare mjeko-ligjore të kryera këtë mëngjes në Morgun Qytetar të Torinos, siç rekomandohet nga Zyra e Prokurorit të Astit, sugjerojnë se Gjovalin Lazri është goditur nga një plumb i vetëm.

Specialistët do të paraqesin gjetjet e tyre brenda gjashtëdhjetë ditësh. Për të përfunduar hetimin, i cili përfshin edhe një konsultë balistike, një inspektim në vendngjarje konsiderohet thelbësor. /PiranjatNews/