EMRI/ 49-vjeçari u qëllua disa herë me thikë, Policia e Tiranës sqaron ngjarjen

Një 50-vjeçar është arrestuar nga Policia pasi dyshohet se ka plagosur me mjet prerës një 49-vjeçar, pas një konflikti për motive të dobëta.

Ngjarja është regjistruar në rrugën “Marko Boçari”, ku shtetasi K. C., 49 vjeç, është dëmtuar me mjet prerës.

Pas marrjes së njoftimit, shërbimet e Policisë kanë shkuar menjëherë në vendngjarje për të zbardhur rrethanat dhe identifikuar autorin.

Falë reagimit të menjëhershëm dhe veprimeve të shpejta hetimore e operacionale, uniformat blu kanë bërë të mundur identifikimin dhe arrestimin e autorit të dyshuar, shtetasit Toni Nake., 50 vjeç.

Njoftimi: 

Plagosi me mjet prerës 49-vjeçarin, falë reagimit të menjëhershëm të shërbimeve të Policisë, kapet dhe vihet në pranga autori i dyshuar.

Shërbimet e Policisë, menjëherë pas marrjes së njoftimit se në rrugën “Marko Boçari” ishte dëmtuar me mjet prerës shtetasi K. C., 49 vjeç, shkuan në vendngjarje për të sqaruar autorësinë dhe rrethanat e rastit.

Si rezultat i reagimit të menjëhershëm dhe veprimeve të shpejta hetimore e operacionale, u identifikua, u kap dhe u vu në pranga autori i dyshuar, shtetasi T. N., 50 vjeç.

Nga veprimet e deritanishme hetimore dyshohet se 50-vjeçari ka plagosur me mjet prerës 49-vjeçarin, pas një konflikti për motive të dobëta.

I dëmtuari ndodhet në spital, nën kujdesin e mjekëve.

Materialet procedurale iu referuan Prokurorisë, për veprime të mëtejshme.