Tony Blair ka bërë thirrje që Britania të angazhohet për t'u rikthyer në Bashkimin Evropian brenda dekadës së ardhshme...
BOTA
SHBA-ja mund të ndërmarrë veprime ushtarake ndaj Kanadasë/ Carney: Do të ishte e papërgjegjshme të mos përgatiteshim
PiranjatPërditësimi i fundit 24 Shtator 2026, 20:25
Kryeministri kanadez Mark Carney ka deklaruar se qeveria e tij ka shqyrtuar edhe mundësinë e një veprimi ushtarak amerikan kundër Kanadasë, megjithëse e cilësoi një skenar të tillë si një “rrezik ekstrem” dhe jo si një skenar bazë.
Në një intervistë për “The New York Times”, Carney tha se përgjegjësia e një qeverie është të marrë në konsideratë edhe skenarët me probabilitet të ulët, por që mund të kenë pasoja të mëdha.
“Mendoj se në këto role keni përgjegjësinë të shqyrtoni rrezikun ekstrem. Ky është thjesht menaxhim i rrezikut. Ky nuk është skenari bazë, por do të ishte e papërgjegjshme të mos përgatiteshim”, tha Carney.
Deklaratat e tij vijnë në një periudhë tensionesh të shtuara mes Otavës dhe Uashingtonit, veçanërisht për shkak të mosmarrëveshjeve tregtare dhe deklaratave të Presidentit amerikan Donald Trump për mundësinë që Kanadaja të bëhet “shteti i 51-të” i SHBA-së.
Carney tha se, pavarësisht tensioneve, ai vijon të komunikojë shpesh me Trumpin dhe e përshkroi komunikimin mes tyre si të drejtpërdrejtë.
“Nga perspektiva ime, ne kemi një marrëdhënie të mirë në kuptimin që mund të telefonojmë dhe të flasim me njëri-tjetrin për çështjet. Ai është i drejtpërdrejtë. Unë jam i drejtpërdrejtë për sa i përket pozicioneve”, tha kryeministri kanadez.
Sipas Carney-t, ekziston ende mundësia për rifillimin e negociatave tregtare mes dy vendeve, ndërsa ai theksoi se rikthimi i marrëdhënieve të qëndrueshme tregtare do të ishte në interesin e të dyja palëve.
Ndërkohë, tensionet ekonomike mes Kanadasë dhe SHBA-së janë shtuar pas dështimit të negociatave tregtare në gusht dhe vendosjes së tarifave të reja nga të dyja palët.
