Një ofertë e pretenduar prej 1 miliard dollarësh, në këmbim të ndalimit të sulmeve të rebelëve Huthi ndaj Arabis&eu...
BOTA
“Kush vjedh, do t’i vrasim gjithë familjen”/ Pronari vendos mesazhet tronditëse në dyqan, denoncohet
PiranjatPërditësimi i fundit 27 October 2026, 22:20
Një tregtar 35-vjeçar me shtetësi kineze është denoncuar në Itali, pasi vendosi në raftet e dyqanit të tij tabela me mesazhe kërcënuese ndaj personave që mund të tentonin të vidhnin mallrat.
Ngjarja ka ndodhur në Pomigliano d’Arco, pranë Napolit, ku pronari i një dyqani artikujsh për shtëpinë u denoncua nga policia bashkiake për dyshime mbi veprën penale të kërcënimit të rënduar.
Sipas mediave italiane, gjithçka nisi pas sinjalizimeve të disa qytetarëve, të cilët kishin vënë re mesazhet frikësuese të vendosura brenda biznesit. Gjatë kontrollit, efektivët zbuluan disa fletë të vendosura mes rafteve, në vende të dukshme për klientët. Në to shkruhej: “Kushdo që vjedh, e gjithë familja e tij do të vritet”.\
Pas konstatimit të mesazheve, policia identifikoi pronarin e biznesit dhe e referoi çështjen në Prokurorinë e Nolas. Tabelat u sekuestruan si prova materiale dhe dokumentacioni i mbledhur iu përcoll autoriteteve gjyqësore për vlerësim të mëtejshëm.
Sipas raportimeve, dyshohet se tregtari mund të ketë vendosur këto mesazhe për të frenuar vjedhjet e përsëritura në dyqan. Megjithatë, motivet e tij nuk janë konfirmuar zyrtarisht.
Hetimet për rastin vijojnë nga autoritetet italiane, ndërsa ndaj pronarit rëndon dyshimi për kërcënim të rënduar.
