Nga armiq në partnerë/ SHBA dhe Venezuela nënshkruajnë marrëveshje ushtarake
Nga armiq te partnerë – SHBA dhe Venezuela nënshkruajnë marrëveshje ushtarake - Sinjali

Shtetet e Bashkuara të Amerikës dhe Venezuela kanë hedhur një hap të madh drejt bashkëpunimit dypalësh, duke nënshkruar një marrëveshje historike për rivendosjen e marrëdhënieve ushtarake, e cila përfshin trajnimin dhe shkëmbimin e informacioneve të inteligjencës.
Lajmi është bërë i ditur nga sekretari amerikan i Mbrojtjes, Pete Hegseth, gjatë vizitës së tij zyrtare të zhvilluar të mërkurën në Venezuelë, ku u takua ngushtë me udhëheqjen e përkohshme të vendit.
Hegseth ka theksuar se pas operacionit të forcave amerikane në janar që çoi në kapjen e ish-presidentit Nicolás Maduro, vendi ka pësuar një kthesë drastike, duke kaluar nga një “kërcënim agresiv rajonal” në një partner të besueshëm në fushën e sigurisë. Sipas agjencisë AP, ai ka vlerësuar lart bashkëpunimin me presidenten e përkohshme, Delcy Rodríguez, për rolin e saj në stabilizimin e shtetit dhe luftën kundër karteleve të drogës e grupeve terroriste.
Ndonëse Pentagoni ende nuk ka publikuar detaje shtesë teknike rreth kësaj marrëveshjeje, vetë Rodríguez e ka mirëpritur me entuziazëm partneritetin e ri ushtarak:
“Shpresoj që ky bashkëpunim tekniko-ushtarak të çohet në nivelin më të lartë të mundshëm, në mënyrë që të mund t’u përgjigjemi kërcënimeve të përbashkëta”, ka deklaruar ajo.
Kjo vizitë e Sekretarit të Mbrojtjes vjen në kuadër të strategjisë së administratës së presidentit Donald Trump për të konsoliduar ndikimin amerikan në Venezuelë pas rënies së regjimit të Maduros. Hegseth i bashkohet listës së zyrtarëve të lartë të kabinetit amerikan që kanë vizituar Karakasin gjatë këtij viti, përfshirë sekretarët e Brendshëm dhe të Energjisë, të cilët kanë vënë theksin te shfrytëzimi i rezervave të mëdha të naftës dhe mineraleve strategjike të vendit.
Lexo edhe
BOTA
Erdogan: Masakrat dhe uria vazhdojnë çdo ditë në Gaza, ndërsa bota vëzhgon

“Të duam”, Trump përqafon bashkëshorten e ish-diktatorit të Filipineve, takimi pas më shumë se 40 vitesh njohjeje

E gjithë bota pret lançimin e “GTA VI”, sistemi i ‘PlayStation’ pëson ndërprerje masive

Operacioni gjenial për urën në Krime/ Plani në shtatë faza, si goditi Kievi një nga pikat strategjike të Rusisë

Tensione në Gjirin Persik, Irani godet bazën amerikane në Kuvajt

Goditje e re për opozitën në Turqi, kryebashkiaku i Stambollit dënohet me 2 vite të tjera burg

“Mos më dërgo puthje”/ Vuçiçi ankohet se një deputet i Listës Studentore e ngacmoi seksualisht

“Shqiptarët u ngritën kundër korrupsionit, por Rama thotë se s’do largohet”/ Revista e famshme amerikane The Atlantic: Si Jared Kushner n...





