Zonat malore në qarkun e Kukësit po përjetojnë kushte klimaterike dimërore, ndonëse jemi ende në fund të muajit tetor.
...
POLITIKE
"Po konsultohet me Vuçiçin", Alimehmeti zbulon planin e Ramës pas kërkesave të protestuesve: Bën gjithmonë të kundërtën e asaj që thotë
PiranjatPërditësimi i fundit 28 October 2026, 21:05
Anëtari i Këshillit Kombëtar të PD, Ilir Alimehmeti, e ka cilësuar protestën studentore në Tiranë si një nga lëvizjet më frymëzuese të viteve të fundit, e cila dëshmoi vullnetin e qytetarëve për ndryshim.
Ai shprehu bindjen se presioni i vazhdueshëm i sheshit do ta dobësojë pushtetin dhe do ta detyrojë përfundimisht Ramën të japë dorëheqjen.
“Thotë që nuk do të japë dorëheqjen. Kuptojeni vetë kush është e kundërta. Do ta japë dorëheqjen.”-tha Alimehmeti.
I ftuar në News24, Alimehmeti theksoi se kërkesat e të rinjve janë të qarta; Dorëheqja e kryeministrit Edi Rama, krijimi i një qeverie teknike dhe mbajtja e zgjedhjeve të lira.
Sipas Alimehmetit, ofertat e fundit të kryeministrit për dialog përmes platformave digjitale janë vetëm tentativa për të zbutur presionin dhe për të shmangur përgjegjësinë.
Ai kujtoi se pas 8 vitesh nga protesta e 2018-ës, kampusi universitar dhe Pakti për Universitetin mbetën premtime të paplotësuara, ashtu si zotimet për ujin, naftën dhe taksat.
Duke krahasuar situatën politike me atë në Serbi, Alimehmeti akuzoi kryeministrin se po këshillohet me Aleksandër Vuçiçin se si të përballet me protestat, ndërsa të rinjtë i etikon si agjentë të huaj.
