“15 mijë dollarë nata”, Koçeku ngre pikëpyetje për akomodimin e Ramës në New York: Kush e paguan faturën?

Deputetja e pavarur Marjana Koçeku ka reaguar pas publikimit të një videoje nga shqiptarë në New York, të cilët kanë filmuar kryeministrin Edi Rama dhe pjesëtarë të delegacionit shqiptar pranë hotelit ku pretendohet se janë akomoduar.

Në reagimin e saj, Koçeku ngre pikëpyetje mbi kostot e qëndrimit të kryeministrit, duke pretenduar se një natë në hotelin në fjalë mund të kushtojë rreth 15 mijë dollarë. Sipas saj, kjo shumë është e barabartë me rreth 60 pensione të një pensionisti shqiptar.

“Sipas një videoje të shpërndarë nga shqiptarët e Neë York-ut, kryeministri po rri në një hotel në Tribeca. Dhoma më e vogël është 22 metra katrorë dhe thuhet se aty kushton rreth 15 mijë dollarë nata“, shprehet ajo.

Deputetja e zhvendos më tej vëmendjen te burimi i financimit të akomodimit, duke kërkuar transparencë se kush e ka paguar faturën e qëndrimit të kreut të qeverisë.

“Kjo faturë do të thotë tre gjëra, ose këtë faturë e paguan shteti, domethënë, ju, ose e paguan ai vetë, dhe një foto e faturës e zgjidh muhabetin, pse faturën e paguan dikush tjetër. Pyetja nuk është më sa, por kush?”, përfundon deputetja.