Edi Rama ka sulmuar sërish protestuesit, duke pretenduar se pas tyre qëndrojnë krimi i organizuar dhe “duar të huaja”, pë...
POLITIKE
“Burrëria politike matet me veprime, jo me retorikë simbolike”/ Këlliçi sfidon mazhorancën: A ia hiqni dot imunitetin të hënën Ballukut?
PiranjatPërditësimi i fundit 20 Shkurt 2026, 12:46
Deputeti Belind Këlliçi ka komentuar qëndrimet e kryeministrit Rama për përdorimin e retorikës së “virilitetit” në politikë.
Në një reagim në rrjetet sociale, Këlliçi deklaron se forca politike nuk provohet me fjalë, por me veprime konkrete, duke sfiduar mazhorancën të ndërmarrë hapin për heqjen e imunitetit të Belinda Ballukut si “prova reale e testosteronit politik”.
Reagimi i plotë
Rrëshkitja tek kodet më primitive të fuqisë është tipike për sektin e Rilindjes!
Kur ndjejnë fundin aktivizojnë kodi arkaik të dominimit: virilitetin.
Mbrëmë e bëri Batoni, kësaj here në emër të Ramës.
E mbani mend si evokonte te njëjtin term autori i “pyllit orbital” kur qe në prag të rënies?! Fshihej pas testikujve imagjinarë të hekurt. Dhe e dini ku përfundoi…
Nuk është rastësi që të njëjtat organe biologjike përdor edhe sot në retorikë pushteti, sepse është drejt fundit, egoja politike po lëndohet seriozisht.
Burrëria matet me vepra në fushë racionale, dhe jo me fjalë: a ia heq dot imunitetin të hënën Belindës?
Kjo është prova e “testosteronit”.
Përndryshe te tuat janë të hekurta po aq sa ato të atij të “pyllit orbital”!
