Denoncimi i Piranjave/ Luçiano Boçi: Taulant Balla kujton se ligji është si doktoratura e tij e arnuar me plagjiatura copa-copa nga të tjerët

Piranjat në emisionin e javës së kaluar vërtetuan se diploma e  mbrojtur në vitin 2015 në Universitetin Aleksandër Joan Kuza në Iași të Rumanisë, doktoratura e një nga figurave kryesore të Partisë Socialiste, Taulant Balla, me titull “Reformimi i Sistemit të vendimmarrjes në Bashkimin Europian”, rezulton plagjiaturë.

I gjithë kapitulli 5 është i kopjuar. Taulant Balla e ka vjedhur informacionin nga një punim shkencor i “Qendrës për Kërkime Politike Europiane” në Bruksel, material i botuar në vitin 2009 dhe i mbrojtur me të drejtat e autorit.

Lidhur me këtë fakt ka reaguar edhe deputeti i PD, Luçjano Boçi i cili shprehet:

“Plagjaturisti Taulant Balla, i kapur në vjedhje, kujton se ligji është si doktoratura e tij e arnuar me plagjiatura copa-copa nga të tjerët.

Meqenëse nuk është mësuar të citojë me referenca të sakta, siç e imponon standarti shkencor dhe logjik, po i sjell saktësisht nenin 90, pika 1, të ligjit nr. 139/2015 “Për vetëqeverisjen vendore” , i cili thekson se:

“Këshillat bashkiakë dhe të qarqeve, që janë të përfshirë drejtpërdrejt në riorganizim, si dhe kryetarët e tyre japin mendimin e tyre zyrtar dhe, nëse ka, edhe mendimin “kundër” të një pjese të këshilltarëve të këshillit përkatës.”

M.q.s ia zverdhën pasazhet e vjedhura, që disa i kishte dhe me ndërrime vendesh kryefjale e kallëzuesi, po ia zverdh dhe unë pasazhin që qartazi e përcakton se mendim japin:

“Këshillat Bashkiakë që janë përfshirë drejtpërdrejtë në riorganizim.”

Taulant, kur del në konkluzione dhe përgojon ligjin e ke detyrë citimin e saktë dhe jo ndërrimin e vendit të fjalëve në ligj, siç je mësuar të bësh ti “shkencë” me plagjiaturë”.