Nga Paulin Vilajeti
Mirëmbrëma.
Unë jam pastor.Jam pastor që në ’92.Ditët e fundit pashë dy vende që u pre...
POLITIKE
Partia MUNDËSIA: Ne i qëndrojmë Florjan Binajt si kandidat për Tiranën
PiranjatPërditësimi i fundit 10 Prill 2026, 13:55
Deputeti i Partisë “Mundësia”, Erald Kapri, i ftuar në podkastin e X-Media, ka ndarë qëndrimet e tij lidhur me zgjedhjet lokale dhe raportin me opozitën.
Ai theksoi se partia që përfaqëson i qëndron të njëjtës qasje politike, duke përjashtuar bashkëpunimin me Partinë Demokratike dhe duke mbështetur idenë e një kandidature që vjen nga shoqëria civile. Në këtë kuadër, Kapri konfirmoi mbështetjen për Florjan Binajn si kandidat për Tiranën, duke e cilësuar atë si një alternativë serioze dhe konkurruese përballë mazhorancës.
Pjesë nga intervista e tij
Cila është qasja juaj si parti për zgjedhjet që po afrohen?
I qëndrojmë të njëjtës qasje.
Do kërkoni sërish bashkëpunim me Partinë Demokratike?
Jo ne nuk bashkëpunojmë me Partinë Demokratike, kjo është një gjë që duhet ta sqarojmë . Kur doli çështja për zgjedhjet në Tiranë përpara gjashtë muajsh afërsisht, ne thamë që në qoftë se forcat e opozitës kanë një shans të unifikohen me një kauzë, ose rreth një kandidati, është që ky kandidat të mos përfaqësojë asnjë prej forcave politike, edhe si parim që duhet të hapemi ndaj shoqërisë. Nuk vumë kusht për emrin, Berisha vendosi kusht për emrin e Flor Binajt, por përderisa Flor Binaj e plotësonte këtë parim, ne e mbështetëm. Dhe doli e suksesshme. Sepse ai është një kandidat shumë I mirë, është një djalë shumë I mirë. Sondazhet e para që dolën atë e tregonin shumë afër me kandidaten e PS , ndërkohë që PS mendonte të paktën se ishte 10 pikë para. Pra pa nisur fushata ai ishte kokë më kokë me Manastirliun. Dhe kjo tregonte se kjo do ishte një garë vërtetë reale dhe opozita kishte shanse me të të fitonte Bashkinë e Tiranës. Nuk është e rastësishme që Gjykata Kushtetuese anulloi procesin. Ndërhyri Rama është e sigurtë. E pa që diçka po lëvizte. Tani ne I qëndrojmë kësaj gjësë. E kemi dhënë mbështetjen për Flor Binajn dhe do ti qëndrojmë kësaj.
Vetë personalisht nëse do të ofrohej do kandidoje për Bashkinë e Tiranës?
Është hera e parë që ma bëjnë këtë pyetje, unë nuk i trembem sfidave, unë sapo kam hyrë ne politikë dhe do ta konsideroja ta mendoja shumë. Do flisja me Agronin, kryetarin e partisë dhe njerëzit që na mbështesin.
