Një qytetare ka bërë një denoncim lidhur me një problem pronësie dhe aksesi në rrugë. Sipas saj, familja e saj prej vi...
POLITIKE
“Rruga Qukës-Qafë Plloçë kushtoi 320 mln euro”, Berisha: Rama thotë se askush nuk vuan për bukë, por vetë hap verë 36 mijë euro!
PiranjatPërditësimi i fundit 2 Tetor 2026, 18:53
Kreu i Partisë Demokratike, Sali Berisha, në një takim që po mban me mbështetës dhe qytetarë në Korçë, kritikoi qeverinë e kryeministrit Edi Rama, duke përmendur emigracionin, varfërinë dhe çmimet e larta.
Në fjalën e tij, Berisha u ndal edhe te gjendja ekonomike e pensionistëve. Ai pretendoi se shqiptarët janë ndër më të varfrit dhe më të keqpaguarit në Evropë dhe solli si shembull koston e ilaçeve, duke thënë se disa pensionistë nuk arrijnë t’i përballojnë ilaçet e nevojshme, por as ushqimet mujore.
Berisha u ndal edhe tek rruga Qukës–Qafë Plloçë, teksa theksoi se kostoja e projektit u rrit ndjeshëm deri në 40 përqind krahasuar me prokurimin fillestar të bërë në vitin 2009.
“Kur ne prokuruam këtë rrugë në vitin 2009 me supervizion bankar, ka qenë 73 milionë euro. Përfundimi i saj është 320 milionë euro. 40 përqind më shumë kilometri se sa i autostradës me tunel Elbasan-Tiranë. Pra, vjedhje, vjedhje të pakufishme.”, tha Berisha.
Ai po ashtu, përmendi edhe deklaratat e kryeministrit Edi Rama në lidhje me varfërinë.
“Nuk vuan kush për bukë, thotë ai. Po sigurisht se për vete hap shishen 36 mijë euro, dhe të hapësh shishe 36 mijë euro në një kohë kur pothuajse të gjithë pensionistët nuk blejnë dot ushqimet e muajit, atëherë natyrisht nuk ndjen asgjë për ta. Atëherë varfëria të duket paaftësi e tjetrit dhe vetë lan duart, unë nuk kam përgjegjësi. Atëherë padrejtësia të duket një gjë normale. Atëherë dobësia të duket faji i tij. Ne do ta përmbysim në mënyrën më emergjente këtë situatë.”, shtoi ai.
