Një lëvizje e bujshme mund të konkretizohet në Serie A. David Alaba, ish-mbrojtësi i Real Madridit, është pranë transf...
SHOWBIZ
Robert Berisha për rikthimet e Adelina dhe Genta Ismajlit: Më mirë të mbesin me ato hite që i kanë
PiranjatPërditësimi i fundit 24 Shtator 2026, 19:52
Këngëtari Robert Berisha ka komentuar karrierën dhe mundësinë e rikthimit në skenë të disa prej emrave të njohur të muzikës shqiptare, gjatë një interviste në emisionin “Lens” në ATV.
I pyetur për periudhën e artë të muzikës shqiptare dhe për këngëtaret Genta Ismajli dhe Adelina Ismajli, me të cilat ka ndarë skenën ndër vite, Berisha foli për vështirësitë që mund të sjellë një pauzë e gjatë nga muzika.
Duke iu referuar konkretisht Genta Ismajlit, e cila ka qëndruar për një kohë të gjatë larg skenës, Berisha tha se ajo mund të rikthehej, por sipas tij, një shkëputje e gjatë mund të ndikojë në mënyrën se si pritet rikthimi i një artisti.
“Më mirë është me nejt me ato hitet që kanë qenë”, u shpreh Berisha, duke iu referuar këngëve të njohura të artistes ndër vite.
Ai përmendi edhe Adelina Ismajlin, duke theksuar se të dyja këngëtaret kanë lënë pas një repertor të rëndësishëm në muzikën shqiptare.
Sipas Berishës, artistët që bëjnë pauza të gjata duhet të tregohen të kujdesshëm me mënyrën e rikthimit, pasi ndërkohë tregu muzikor dhe preferencat e publikut ndryshojnë.
“Masi ke bërë pauza, këta që s’bëjnë pauzë, këta ndonjëherë që qesin këngë, të mbajnë”, tha ai.
Berisha foli edhe për një tjetër tendencë që, sipas tij, është bërë e zakonshme në skenën muzikore shqiptare: përshtatja e projekteve muzikore me dasmat dhe eventet private.
Ai tha se disa këngëtarë po krijojnë këngë të dedikuara për nusëri dhe dasma, me synimin që ato të përdoren gjatë këtyre organizimeve.
