Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Policia aksion në Vlorë/ FNSH dhe Krimet zbarkojnë në Çole, në ‘sitë’ disa automjete dhe personat e shpallu... “Të mobilizohemi të gjithë”/ Piranjat News publikon mesazhet ku prindërve u kërkohet të lyejnë e pastrojnë ... Detajet e reja/ Zbardhen lidhjet e Luka Beqirajt, shqiptarit që u ekzekutua në Spanjë Kush është Colette Kress, CEO-ja e përkohshme e Nvidia-s që zëvendëson Jensen Huang? Kryemadhi kundërshton SPAK-un për lobimin në SHBA: Kontratën nuk e ka firmosur Meta! Zbardhen detajet e aksionit sot në Spitalin Rajonal Fier, drejtori merret në pyetje nga prokurorët e SPAK Rama e konfirmon nga Dublini: S’do të ketë samit të NATO-s në Tiranë në vitin 2027 PD: AKSHI nën hetim, por jep 40 mln euro për fiskalizimin me operatorë ku pronar është edhe Ermal Beqiri Gjoni kandidat për Lezhën? Deputeti: Nëse ma kërkojnë demokratët, gati të sakrifikoj mandatin “Mbahet në izolim të plotë”/ Avokati: Veliajt nuk i sigurohet dokumentacioni shëndetësor Bie masivi shkëmbor pranë Morinit. Kukës, reshjet e shiut krijojnë probleme në qarkullim Profesionet e lira kundër uljes së pragut të TVSH-së në 5 milionë lekë: Do ta çojmë sërish në Kushtetuese...
SHOWBIZ

Tronditëse/ Performoi përpara mijëra fansave vetëm pesë ditë më parë, ndërron jetë papritur ylli i ri i muzikës

P
Piranjat 3 October 2026, 18:20 · 3 min lexim
Tronditëse/ Performoi përpara mijëra fansave vetëm pesë

Hirata Runa, vetëm 8 vjeçe dhe pjesë e grupit japonez Dianna Project, ka ndërruar jetë papritur në fund të shtatorit, vetëm pesë ditë pasi kishte performuar në një koncert para mijëra fansave.

Sipas njoftimit të familjes dhe agjencisë së saj, vogëlushja ndërroi jetë për shkak të miokarditit fulminant, një inflamacion i rëndë i muskulit të zemrës, i cili sipas deklaratës së grupit ishte shkaktuar nga një virus.

“Me keqardhje ju njoftojmë se Hirata Runa ka ndërruar jetë për shkak të miokarditit që është shkaktuar nga një virus”, thuhej në deklaratën e publikuar nga Dianna Project.

Agjencia shprehu mirënjohjen për fansat që e kishin mbështetur vajzën gjatë kohës së saj si artiste, ndërsa kërkoi respekt për familjen në këtë periudhë të vështirë.

“Shprehim mirënjohjen tonë më të thellë për të gjithë fansat që mbështetën Hirata Runën dhe për të gjithë ata që ofruan ndihmë”, thuhej në deklaratë, ndërsa fansave iu kërkua të shmangnin pyetjet apo kërkesat për intervista lidhur me vdekjen e saj.

Hirata Runa kishte lindur në Nagoya, Japoni, dhe ishte bërë pjesë e Dianna Project që në moshë shumë të vogël. Grupi i përket skenës japoneze të “idolëve”, ku artistët ndërtojnë një marrëdhënie të veçantë me fansat përmes muzikës dhe performancave.

Performanca e fundit e Runës ishte zhvilluar vetëm pesë ditë para vdekjes së saj. Pas koncertit, ajo kishte publikuar një mesazh për fansat, duke shkruar: “Faleminderit edhe për sot, e vlerësova shumë. Ishte vërtet argëtuese.”

Pak ditë më vonë, ajo humbi jetën pas komplikimeve të shkaktuara nga miokarditi.

Familja e saj e kujtoi me një mesazh prekës, duke kërkuar që Runa të mbetet në kujtesën e fansave si një artiste e përjetshme.

“Runa kaloi një të tretën e jetës së saj si idhull. Ju lutemi lëreni në një cep të zemrave tuaja si një idhull të përjetshëm”, shkroi familja.

 

SHPËRNDAJE

Lexo edhe

SHOWBIZ

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.