Certifikata e vaksinimit dhe mbështetja për UÇK-në nga Granit Xhaka, drejtori i Zvicrës: Është çështje private

Çështja e certifikatës së vaksinimit të Granit Xhakës ka rikthyer në vëmendje një prej episodeve më të diskutuara të karrierës së kapitenit të Zvicrës.

Për këtë situatë ka reaguar Pierluigi Tami, drejtues i përfaqësueses zvicerane, i cili ka theksuar se bëhet fjalë për një çështje private dhe se Federata Zvicerane e Futbollit (SFV) nuk ka pasur asnjë rol në këtë rast.

“Gjithçka ndodhi shumë shpejt; ai mori vendimin për t’u bërë publik po aq shpejt. Nuk ishte e lehtë për të të ndërmerrte këtë hap. Kjo ishte një çështje private. Shoqata Zvicerane e Futbollit (SFV) nuk lëshoi asnjë direktivë vaksinimi. Ekipi kombëtar nuk ka të bëjë fare me këtë”, u shpreh Tami.

Në të njëjtën kohë, është rikthyer në diskutim edhe mbështetja e shfaqur nga Xhaka ndaj ish-krerëve të UÇK-së, të cilët janë dënuar nga Gjykata Speciale. Edhe për këtë çështje, Tami ka bërë të qartë qëndrimin e federatës.

“Mbështetja e tij për presidentin e dënuar të Kosovës është gjithashtu një çështje private”, deklaroi ai.

Ndërkohë, eksperti i së drejtës penale Andre Kuhn ka shpjeguar se falsifikimi i dokumenteve në Zvicër mund të dënohet me gjobë ose me burgim deri në pesë vjet.

Megjithatë, kjo nuk do të thotë se Xhaka rrezikon automatikisht një dënim prej pesë vitesh burg. Sipas Kuhn, në përcaktimin e dënimit mund të merren parasysh disa faktorë, ndërsa për personat pa precedentë penalë mund të shqiptohet edhe një dënim me gjobë ose me kusht.