Gjermania mposht Serbinë 2-0, Wirtz shkëlqen dhe Klopp: Ishte një kënaqësi për sytë!

Ndaj Serbisë, fitorja ishte jetike për projektin e ri të Jurgen Klopp. Për fat të mirë, një super Wirtz udhëhoqi ekipin përfaqësues në suksesin 2-0. Sulmuesi i Liverpool ishte në një mbrëmje fantastike ku shërbeu në çdo formë. I pari që tentoi kuadratin ishte Gnabry, me këtë të fundit që shpërdoroi i vetëm në zonë, ndërsa më pas tentoi edhe Wirtz.
Më në fund, pas një presioni asfiksues në zonë e Serbisë, Wirtz goditi shtyllën pingule, me topin që u kthye në një assist në këmbët e Bischof, me mesfushorin e Bayern Munich që tundi rrjetën me një goditje të fortë brenda në zonë.
Gjermania nuk e uli ritmin për asnjë moment, por faza ofensive ishte në një mbrëmje të errët, ku në minutën e 59-të Woltemade gaboi shumë pranë vijës fatale duke dërguar topin në tribunë, një rast për të vënë duart në kokë. Goli ishte në “ajër” dhe 3 minuta më vonë, Wirtz me një veprim fantastik brenda në zonë realizoi golin e dytë duke mbyllur llogaritë me Serbinë.
Pa diskutim, i kënaqur pas këtij suksesi u shfaq trajneri Jurgen Klopp: “Më pëlqeu gjithçka në këtë takim, kundër presingu ynë ishte i jashtëzakonshëm. Besoj se edhe tifozët e Liverpool e kanë shijuar këtë takim, të shihje Wirtz ishte një kënaqësi për sytë”, u shpreh Klopp. Falë këtij suksesi, Gjermania ngjitet në kuotën e 4 pikë pas 3 ndeshjeve, në një grup që në mënyrë të papritur kryesohet nga Greqia.
Helenët dolën me 1 pikë pas barazimit 2-2 përballë Holandës, mbase kjo pikë i rri ngushtë në një kohë kur kryesonin 2-0 në pjesën e parë. Ekipi i Xavi-t reagoi në fraksionin e dytë, ku Van Dijk dhe Reijnders shënuan 2 gola duke shmangur humbjen. Me 7 pikë, Greqia qëndron në krye, plus 2 në raport me Holandën.
Lexo edhe
SPORT
“Kam respekt të jashtëzakonshëm për të”, Thierry Henry vlerëson Cristiano Ronaldon

UEFA rihap çështjen “Negreira” ndaj Barcelonës pas ankesës së Real Madridit

Mandami: Botërori i 2026-ës gjeneroi dy miliardë dollarë për ekonominë e Nju Jorkut

Portugalia vijon marshimin pa Cristiano Ronaldon, i imponohet edhe Danimarkës

Kosova merr vetëm një pikë në Hungari ndaj Izraelit

Kylian Mbappe sërish mes polemikave, i dëmtuar, por i shoqëruar nga e dashura në një festë në Paris

Disiplina godet Vorën pas ndeshjes me Skënderbeun, mbyllet stadiumi! E pëson keq edhe drejtori

UEFA Nations League, Kombëtarja mbërrin në Helsinki





