Kryetari i Partisë Demokratike, Sali Berisha, gjatë një bashkëbisedimi me qytetarët në rrjetet sociale, e ka cilësuar jav&e...
SPORT
Publikohen formacionet zyrtare, Maran e nis me revolucion në sulm; kush janë 11 “luftëtarët” që do kërkojnë me çdo kusht 3 pikët
PiranjatPërditësimi i fundit 26 Shtator 2026, 20:28
Është dita e Shqipërisë! Kuqezinjtë zbresin në orën 20:45 në “Air Albania”, ku do të hapin zyrtarisht fushatën e re në Ligën e Kombeve. Objektivi është i qartë: ngjitja në Ligën B dhe një start sa më bindës në këtë kompeticion.
Përballë do të jetë Bjellorusia, ndërsa Shqipëria hyn në këtë duel si favorite për të marrë tri pikët. Trajneri Rolando Maran ka vendosur tashmë për formacionin titullar, duke mos rezervuar surpriza të mëdha, edhe për shkak të problemeve me dëmtimet që kanë shoqëruar kuqezinjtë gjatë grumbullimit.
Një nga lajmet më të rëndësishme është rikthimi i Etrit Berishës në portë, ndërsa në formacionin titullar është edhe Elseid Hysaj. Mbrojtësi, i cili aktualisht është pa klub, është stërvitur me Vllazninë për të ruajtur formën fizike.
Në krahun e majtë pritet të luajë Pilo, ndërsa në mesfushë dhe në repartin ofensiv Maran ka ruajtur zgjedhjet e pritshme. Sytë do të jenë veçanërisht te Ernest Muçi, i cili vjen në këtë grumbullim si një nga lojtarët më në formë të Kombëtares.
Nga ana tjetër, tekniku italian ka vendosur të lërë jashtë formacionit emra të rëndësishëm si Armando Broja, Nedim Bajrami dhe Jasir Asani.
Tashmë gjithçka është gati. “Air Albania” pritet të ndizet për kuqezinjtë, ndërsa Shqipëria kërkon ta nisë me këmbën e mbarë rrugëtimin drejt objektivit të madh: Ligës B.
20:45 – Shqipëri-Bjellorusi. Koha për të folur në fushë!
