"Rasti Malago" në Itali, Ceferin: "Ndërhyrjet e politikës e dëmtojnë besimin e UEFA-s"

"A është Euro 2032 në rrezik? Nuk kam ndërmend të komentoj skenarë hipotetikë. Ende nuk janë marrë vendime. Po them vetëm se, si bashkë-organizatore, Italia ka një përgjegjësi të veçantë.

Pikërisht për këtë është e rëndësishme të ruhet pavarësia e institucioneve sportive. Çdo formë ndërhyrjeje politike mund të minojë besimin e UEFA-s dhe partnerëve të tjerë, gjë që nuk do të ishte në interesin më të mirë të futbollit italian apo të turneut."

Presidenti i UEFA-s, Ceferin, i tha Gazzetta dello Sport lidhur me mundësinë e emërimit të një komisioneri për FIGC: "FIFA dhe UEFA gjithmonë kanë këmbëngulur qartë në autonominë e federatave. Shpresoj që organet përkatëse të marrin një vendim sa më shpejt të jetë e mundur që të jetë në përputhje me rregullat e ligjit sportiv.

Kriza institucionale që po përkeqësohet nuk është e mirë për askënd. E kam njohur Malagòn që kur ishte në krye të CONI-t; ai është një njeri serioz."