Kryeministrja italiane Giorgia Meloni ka rikonfirmuar qëndrimin e saj ndaj presidentit amerikan Donald Trump, duke deklaruar hapur se nuk ka asnjë ars...
Presidenti amerikan Donald Trump ka ashpërsuar qëndrimin ndaj zgjedhjeve presidenciale në Brazil, duke i cilësuar ato si “një tur...
BOTA
Tragjedia ajrore/ Rrëzohet helikopteri ushtarak i NATO-s, katër të vdekur dhe 12 të plagosur
PiranjatPërditësimi i fundit 29 October 2026, 21:28
Të paktën katër persona raportohet se kanë humbur jetën pasi një helikopter ushtarak italian, pjesë e misionit paqeruajtës të Bashkimit Evropian në Bosnjë dhe Hercegovinë, u rrëzua këtë të enjte, më 29 tetor. Agjencia italiane e lajmeve ANSA raportoi se 12 persona të tjerë mbetën të plagosur nga rrëzimi i helikopterit në fshatin Gorice, në distriktin e Brçkos.
Pamjet e publikuara nga mediat lokale tregojnë një helikopter transporti ushtarak të përmbysur në tokë dhe të shkatërruar në disa pjesë.
Kryeministrja italiane, Giorgia Meloni, shprehu ngushëllimet për viktimat dhe familjarët e tyre përmes një mesazhi në rrjetin social X.
“Mendimet e mia janë me viktimat, familjet e tyre dhe të gjithë ata që, në kuadër të misionit, punojnë për promovimin e paqes dhe stabilitetit në rajon”, shkroi Meloni.
Një zyrtar i misionit EUFOR konfirmoi rrëzimin e helikopterit, por nuk dha detaje mbi numrin e viktimave apo të personave të plagosur.
Helikopteri ishte angazhuar në kuadër të Operacionit Althea, misioni ushtarak i Bashkimit Evropian që mbikëqyr zbatimin e Marrëveshjes së Paqes së Dejtonit, e cila i dha fund luftës në Bosnjë dhe Hercegovinë në vitin 1995. /PiranjatNews/
