U përplas me makinën në mur, arrestohet 27-vjeçari shqiptar. Në kërkim bashkëpunëtorët në krim 

Arrestohet 27-vjeçari shqiptar në Itali, u përplas me makinë në mur gjatë ndjekjes nga karabinierët, dy bashkëpunëtorët në kërkim

Është arrestuar drejtuesi i automjetit që të martën në mbrëmje u përfshi në një ndjekje spektakolare me karabinierët në Udine të Italisë, e cila përfundoi me përplasjen e makinës me një mur në rrugën Tiepolo.

Bëhet fjalë për një 27-vjeçar shqiptar, banues në provincën e Padovës, i cili akuzohet për kundërshtim të punonjësve të policisë dhe përvetësim të sendeve të vjedhura.

I riu pritet të dalë këtë mëngjes para gjykatës për t'u gjykuar në procedurë të përshpejtuar.

Makina e vjedhur në Veneto, me targa të klonuara

Hetimet e karabinierëve zbuluan se automjeti i përdorur gjatë arratisjes ishte vjedhur në rajonin e Venetos dhe qarkullonte me targa të klonuara.

Brenda makinës u gjetën gjithashtu para në dorë dhe sende me vlerë. Origjina e tyre po verifikohet nga hetuesit, të cilët po shqyrtojnë nëse mund të kenë lidhje me episode të tjera kriminale.

Në kërkim dy bashkëpunëtorët

Pas përplasjes së makinës me murin në rrugën Tiepolo, dy personat e tjerë që ndodheshin në automjet arritën të largoheshin dhe aktualisht janë në kërkim.

Hetimet e karabinierëve vijojnë për të rindërtuar të gjitha rrethanat e ndjekjes dhe për të identifikuar dy personat e arratisur.

27-vjeçari i arrestuar do të përballet me drejtësinë për akuzat e ngritura ndaj tij, duke respektuar parimin e prezumimit të pafajësisë deri në një vendim të formës së prerë. /PiranjatNews/