Vajzat, luftarake dhe të vetme përballë atoboteve të Policisë, s’i tremb uji dhe gazi lotsjellës

Pavarësisht paralajmërimeve të kryeministrit Edi Rama për ashpërsimin e masave dhe vendosjen e gjobave ndaj pjesëmarrësve në protesta, të rinjtë vijojnë të mos tërhiqen.

Pas përshkallëzimit të situatës mes protestuesve dhe Policisë, edhe vajzat janë parë duke qëlluar me gurë në drejtim të policisë, krahas djemve edhe pse përballë tyre qëndrojnë tre bote uji me presion të lartë.

Vajzat luftarake nuk janë trembur përballë boteve të ujit, pa asnjë masë mbrojtëse përkundrejt efektivëve të cilët janë veshur me pajisje specifike.

Veprimet e tyre vijnë në shenjë revolte ndaj mënyrës se si, sipas protestuesve, Policia e Shtetit ka menaxhuar tubimin.