VIDEO/ Elon Musk merr me vete në Kinë djalin 6-vjeçar, vogëlushi bëhet viral me përgjigjen e tij për vendin

Djali 6-vjeçar i miliarderit Elon Musk, X Æ A-Xii, ka tërhequr sërish vëmendjen gjatë vizitës së të atit në Kinë, ku e shoqëroi për herë të dytë dhe u bë protagonist i një momenti që po qarkullon gjerësisht në rrjetet sociale. Gjatë një takimi mes Elon Musk dhe një zyrtari të lartë kinez në qytetin e Shenzhenit, miliarderi iu drejtua të birit me një pyetje të thjeshtë: nëse i pëlqente Kina. Vogëlushi u përgjigj menjëherë me një “PO”, pa asnjë hezitim, duke shkaktuar të qeshura dhe reagime pozitive nga të pranishmit.
Videoja e shkurtër është shpërndarë gjerësisht në rrjetet sociale kineze, ku djali i Musk ka fituar popullaritet për spontanitetin dhe entuziazmin e tij. Gjatë bisedës, themeluesi i Tesla-s dhe SpaceX-it u shpreh se është një admirues i madh i Kinës dhe teknologjisë së saj, përpara se të përmendte edhe arsyen pse i biri kishte dëshiruar prej kohësh të vizitonte vendin.
“Kina prodhon gjithçka, pothuajse gjithçka. Kina është një parajsë lodrash. Lodrat e tyre prodhohen këtu”, deklaroi Musk, duke iu referuar bazës së gjerë industriale dhe prodhimit të mallrave të konsumit në Kinë.
Kjo nuk është hera e parë që vogëlushi X tërheq vëmendjen gjatë një vizite në vendin aziatik. Gjatë vizitës së mëparshme të Donald Trump në Pekin, në maj 2026, ai shoqëroi të atin në Sallën e Madhe të Popullit. I veshur me një xhaketë mëndafshi të stilit tradicional kinez dhe me një çantë krahu me motive tigri, vogëlushi u filmua duke ecur përkrah Musk.
Veshja dhe aksesori i tij u bënë gjithashtu objekt interesi në Kinë, ku sipas raportimeve, produktet e ngjashme u shitën me shpejtësi në platformat e tregtisë elektronike.
Elon Musk ndodhet në Kinë si pjesë e delegacionit amerikan të biznesit që shoqëron presidentin Donald Trump në kuadër të samitit të APEC-ut. Gjatë vizitës, ai ka riafirmuar angazhimin e Tesla-s për zgjerimin e prodhimit në tregun kinez, ku fabrika Gigafactory në Shangai përbën një nga qendrat kryesore të prodhimit dhe eksportit të kompanisë.
Musk vlerësoi gjithashtu zhvillimin teknologjik, arkitekturën, peizazhet dhe rrjetin hekurudhor të Kinës, duke bërë thirrje për bashkëpunim më të ngushtë mes Uashingtonit dhe Pekinit.
Ai u bëri thirrje edhe amerikanëve që ta vizitojnë vendin, duke theksuar se Kina nuk mund të kuptohet plotësisht pa e përjetuar nga afër.
???? Elon brought his son X along to China, and the little guy is having the time of his life. Elon says X sees China as a “toy paradise,” because that’s where all his toys are made. Who needs Disneyland when you’ve got Shenzhen ? Writer: Julie https://t.co/RG5YPrh2da
— Mario Nawfal (@MarioNawfal) November 19, 2026
Lexo edhe
BOTA
Pse kryeministri kanadez shkoi në Kinë dhe nuk mori pjesë në bisedimet e sotme për Ukrainën?

Putin: Rusia pranoi propozimin amerikan për përfshirjen e sigurisë së Ukrainës...

Trump fjeti gjatë fjalimit të Xi Jinping? Shtëpia e Bardhë mohon akuzat: Lajm i rremë!

Gjykata e OKB-së shpall fajtor Mianmarin për gjenocid kundër Rohingya-ve

U gjet në trupin e një viktime të Titanikut, ora pritet të shitet për një shumë marramendëse





