Nga Florjan Binaj
Ky vit do të mbahet mend si viti i rënies së autokracive të Europës Lindore e Juglindore. Fillimisht Orbani, nje...
AKTUALITET
Zjarr i përmasave të mëdha gjatë natës në disa magazina në Gjirokastër, ndërpritet për afro 30 minuta energjia elektrike
PiranjatPërditësimi i fundit 31 October 2026, 08:22
Një magazinë që përdorej për aktivitetin e lyerjes së automjeteve është përfshirë nga flakët mbrëmjen e kaluar në Gjirokastër. Ngjarja është regjistruar në rrugën pranë Fushës së Vjetër, pas subjektit “Autopasion”.
Njoftimi për zjarrin është marrë nga Drejtoria e MZSH-së Gjirokastër në orën 23:29. Me mbërritjen në vendngjarje, zjarrfikësit kanë konstatuar se flakët kishin përfshirë të gjithë magazinën, duke rrezikuar përhapjen drejt dy pallateve të banimit që ndodheshin pranë saj. Për shuarjen e zjarrit u angazhuan katër automjete zjarrfikëse, një autobot dhe i gjithë efektivi i shërbimit zjarrfikës. Pas disa orësh ndërhyrje intensive, flakët u vunë nën kontroll dhe u bë e mundur shuarja e plotë e zjarrit.
Nga incidenti është djegur vetëm magazina, ndërsa ndërhyrja e zjarrfikësve ka bërë të mundur shpëtimin e dy pallateve të banimit, automjeteve të parkuara pranë objektit dhe shmangien e dëmeve të tjera materiale.
Fatmirësisht, nuk raportohet për persona të lënduar.
Ndërkohë, organet ligjzbatuese po punojnë për dokumentimin e ngjarjes dhe përcaktimin e shkaqeve të rënies së zjarrit.
