Antena e dytë në mes të Përmetit, qytetarët ngrenë alarmin: Na rrezikon shëndetin

Një denoncim ka mbërritur nga qytetarët e Përmetit të cilët denoncojnë vendosjen e një antene të re në qendër të qytetit, duke ngritur shqetësime për sigurinë dhe ndikimin që mund të ketë instalimi te banorët e zonës.
Sipas denoncuesve, Bashkia e Përmetit ka dhënë leje për vendosjen e antenës për një periudhë prej 150 ditësh. Ata pretendojnë se, edhe pas përfundimit të kësaj periudhe, antena mund të vijojë të qëndrojë në të njëjtin vend.
Qytetarët shprehen veçanërisht të shqetësuar pasi bëhet fjalë, sipas tyre, për antenën e dytë të vendosur në qendër të Përmetit, në një zonë me përqendrim të lartë banorësh.
Në denoncim ngrihen gjithashtu pretendime për numrin e lartë të rasteve të sëmundjeve tumorale në qytet, ndërsa qytetarët kërkojnë që institucionet kompetente të verifikojnë nëse ekziston apo jo ndonjë lidhje mes antenave dhe problemeve shëndetësore të banorëve.
Ata kërkojnë transparencë mbi lejen e dhënë nga Bashkia e Përmetit, kriteret që janë përdorur për përcaktimin e vendndodhjes dhe respektimin e standardeve të sigurisë.
Sipas grupit të qytetarëve, ndaj Bashkisë së Përmetit pritet të përgatitet edhe një kallëzim penal, i cili, sipas tyre, do t’i drejtohet Prokurorisë së Posaçme kundër Korrupsionit dhe Krimit të Organizuar (SPAK)./ Piranjat News
Lexo edhe
AKTUALITET
Transportonte 7 emigrantë të paligjshëm, arrestohet 31-vjeçari në Elbasan

Krismat në Ndroq, shoqërohet Sinani që u arrestua në gusht për kërcënimin e gazetarëve: Qëllova për qejf!

I riu me motor përplas për vdekje këmbësoren 75-vjeçare!

Videot erotike që trullosën publikun: Kush i nxori nga errësira e Telegramit dhe pse pikërisht tani?

Shitja e drogës pranë shkollave, arrestohet 26-vjeçari! Të riut i sekuestrohet kokainë dhe një thikë






