Një lëvizje e bujshme mund të konkretizohet në Serie A. David Alaba, ish-mbrojtësi i Real Madridit, është pranë transf...
AKTUALITET
“Në hotel me agjentë serbë”, Lala i kthehet Vlora Hysenit: Zgjodhi njeriun e gabuar
PiranjatPërditësimi i fundit 24 Shtator 2026, 21:56
Gazetarja Klodiana Lala i është përgjigjur akuzës së ish-kreut të SHISH, Vlora Hyseni, e bërë sot nga dera e SPAK. Pretendimet e Hysenit për “takime me agjentë serbë në hotele”, gazetarja Lala e ka konsideruar shpifje e neveritshme e një përpjekje banale shantazhuese për shkak të detyrës.
Përveç kallëzimit penal të bërë në Prokurorinë e Posaçme (SPAK), Lala lajmëron se veprime ligjore për rastin po ndërmerren dhe nga familja e saj në Britaninë e Madhe për shkak të kërcënimit të sigurisë.
‘E përbuz më mënyrën më të neveritshme të mundshme, këtë shpifje të ulët dhe përpjekje banale për të më shantazhuar për detyrën. Grua që ka problem të mëdha me drejtësinë, ky mesazh ishte shantazhues ndaj gjithkujt që Vlora Hyseni ka sigurua informacione për shkak të detyrës, por ka zgjedhur njeriun e gabuar. Unë kam ardhur këtu kur mbi fëmijët e mi u gujatën breshëri kallashnikovi, dhe kam thënë që askënd smë shantazhon dot, unë jam njeri i lirë dhe e kam bërë karrierën time me ndershmëri.
Nuk kam asgjë për të fshehur dhe për ti treguar opinionit shqiptar përves Klodiana Lalës profesioniste. Zonja do të përballet me mua nëproces penal. Për cenim të integritetit, shantazh për hir të detyrës, shpërndarje të rreme të informacioneve duke kërcënuar sigurinë time dhe të familjes. Familja ime për shkak se ka shtetasi britanike, por merr të gjitha hapat ligjorë në Britani. Ajo ka cenuar dhe familjen time përmes kësaj shpifje. I besoj integritetit tim se e di unë se çfarë kam bërë në jetën time. Duhet të ishte mbyllur në qeli sot se zgjodhi mua një së të fortë publik për të shantazhuar të tjerë”, tha Lala.
Në studio, gazetarja Lala është përplasur ashpër dhe me analistin Albatros Rexhajn, i cili ngriti pikëpyetje mbi vërtetësinë e pretendimeve të Vlora Hysenit ndaj Lalës.
