Skandaloze në Berat/ Radhë të gjata në Spitalin Rajonal dhe Poliklinikë, qytetarët në pritje prej më shumë se dy orësh

Një denoncim ka mbërritur në redaksinë e Piranjat, shoqëruar me pamje nga Spitali Rajonal i Beratit dhe Poliklinika, ku shihen radhë të gjata qytetarësh në pritje të mjekëve.

Sipas qytetarëve që kanë dërguar pamjet, pritja për mjekun ortoped ka zgjatur më shumë se dy orë, ndërsa ata pretendojnë se nuk kanë marrë përgjigje as nga recepsioni dhe as nga infermierët për kohën e pritjes apo mbërritjen e mjekut.

Qytetarët shprehen se një situatë e tillë nuk është e izoluar, por përsëritet shpesh, duke ngritur shqetësime për shërbimin dhe organizimin e pritjeve në institucionet shëndetësore.

Piranjat sjellin pamjet e mbërritura në redaksi dhe shqetësimin e qytetarëve./Piranjat News