Një 47-vjeçar i shpallur në kërkim ndërkombëtar nga autoritetet italiane është arrestuar në Kavajë, me q&e...
AKTUALITET
Zjarri në Rinas/ TIA reagon pas incidentit: Shkëndija elektrike përfshiu tabelën reklamuese, flakët u izoluan në kohë rekord
PiranjatPërditësimi i fundit 1 Tetor 2026, 13:07
Tiranë, 1 Tetor 2026 — Aeroporti Ndërkombëtar i Tiranës (TIA) njofton publikun dhe pasagjerët se sot, rreth orës 06:30 të mëngjesit, një tabelë reklamuese në ambientet e aeroportit është përfshirë nga flakët. Shkak për këtë incident është bërë një shkëndijë elektrike.
Menjëherë pas identifikimit të ngjarjes, u aktivizuan protokollet e emergjencës. Forcat e sigurisë dhe shërbimi zjarrfikës pranë Aeroportit të Rinasit ndërhynë në kohë rekord për të izoluar zonën e prekur, duke larguar përkohësisht pasagjerët pranë vatrës dhe duke fikur zjarrin me sukses.
Operimi në sportelet e check-in u ndërpre përkohësisht për disa minuta, por falë ndërhyrjes së shpejtë dhe profesionale situata u rikthye plotësisht në normalitet brenda një kohe të shkurtër, pa sjellë ndikim në orarin e fluturimeve, të cilat po vijojnë sipas planifikimit.
Për të garantuar mbarëvajtjen e proceseve dhe për të mos krijuar radhë, u morën masa të menjëhershme operacionale duke shtuar numrin e sporteleve të regjistrimit (Check-In) në shërbim të udhëtarëve.
Siguria dhe mirëqenia e pasagjerëve tanë mbetet prioriteti ynë absolut.
