Arsenal fiton me vështirësi ndaj Hull City, Man.City pëson humbjen e tretë radhazi

Arsenal vuan, por del me 3 pikë nga sfida përballë Hull City. “Topçinjtë” vuajtën jashtëzakonisht shumë të gjenin prekjen fituese në këtë sfidë pavarësisht se kishin kontrollin total të lojës, 68% mbajta e topit, goditën 10 herë kuadratin, por Kai Havertz dhe pjesa tjetër e fazës ofensive nuk ishin në ditën e tyre më të mirë. 

Më në fund, pas disa përpjekjeve, ekipi i Artetas zhbllokoi rezultatin në minutën e 72-të falë një goli të Odegard. Goli i kapitenit qëndroi në fuqi deri në fund me Arsenal që feston për këtë sukses që përfordon pozitat e tyre në krye të tabelës, në kuotën e 27 pikëve, plus 6 në raport me Man.City.

I kënaqur me këtë sukses u shfaq trajneri Arteta: “Ishte e rëndësishme të ruanim ritmin e rezultateve pozitive. Mendoj se kishim disa momente të rëndësishme ku mund të shënonim ndonjë gol më shumë, por nuk ia dolëm. Në përgjithësi, mendoj se e meritonim këtë fitore”, u shpreh trajneri i Arsenal.

Më shumë se sa triumfi përballë Hull City, Arsenal i gëzohet disfatës së Man.City. “Qytetarët” pësuan një tjetër humbje të rëndë, këtë herë në transfertë përballë Nottingham. 

Për ekipin e Maresca-s kjo ishte humbja e tretë radhazi në Premier League. Cunha realizoi golin e parë që në minutën e 6-të për Nottingham, ndërsa në minutën e 18-të, thuajse në të njëjtën formë, vendasit kapën mat Man.City me një kundërsulm të shpejtë i finalizuar nga Delap. City u përpoq të rikthehej në lojë, me qytetarët që ngushtuan shifrat në 2-1 falë një super goli të shënuar nga Cherki. Super goli i francezit ishte thjesht në iluzion pasi Delap kompletoi “dopjetën” e tij personale dhe golin e tretë për Nottingham.

Pavarësisht se kjo ishte humbja e tretë radhazi, Enzo Marseca nuk e bën dramë: “Pa panik. Duhet të kuptojmë se çfarë nuk po shkon, por pa panik. Duhet të shfrytëzojmë pauzën tani për të kuptuar se çfarë po bëjmë keq, në mënyrë që të mos përsërisim gabimet në të ardhmen. Thjesht jemi të shqetësuar për humbjet”, u shpreh Maresca në konferencë për shtyp.