Vrau shqiptarin dhe e fshehu trupin në pus, 29-vjeçari italian: Jam penduar, nuk doja ta vrisja “Jam penduar, nuk doja ta vrisja. Gjithç...
Partia Demokratike ka kërkuar hetim urgjent për shantazhin mafioz të Edi Ramës ndaj Erion Veliajt, duke deklarua se ky i fundit ësht&eu...
Letra e publikuar sot nga kryebashkiaku i Tiranës, Erion Veliaj, lidhur me vizitën e ministrit të Drejtësisë, Toni Gogu në burgun ...
Kryeministri Edi Rama është përballur me pyetje të drejtpërdrejta për korrupsionin në radhët e zyrtarëve të ti...
Këshilli i Lartë Gjyqësor ka propozuar rritje të numrit të gjyqtarëve në vend për të ndihmuar në uljen e stoku...
Tre personat e arrestuar për shpërthimin tragjik në zonën e Plakës, në Athinë, janë lënë në burg të ...
Guardia Civil po heton origjinën e një ngarkese të madhe kokaine, e zbuluar gjatë kësaj fundjave në dy magazina në zonën...
Kryebashkiaku i Tiranës, Erion Veliaj, ka reaguar pas debatit të krijuar mbi takimin e tij me ministrin e Drejtësisë, Toni Gogu, në bu...
16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
Presidenti amerikan Donald Trump ka deklaruar se do të mbrojë miliarderin Elon Musk në rast se demokratët nisin hetime ndaj tij pas zgjedhje...
Ultimatum me nota mafioze për Erion Veliajn në qelitë e paraburgimit në Fier drejtpërdrejt nga kryeministri Edi Rama, përmes ministrit të Drejtësisë, Toni Gogu. Shantazhi konfirmohen nga avokati i Veliajt, Plarent Ndreca, sipas të cilit kryebashkiaku i Tiranës është kërcënuar të dorëzojë menjëherë mandatin, të delegojë kompetencat te njerëzit që do të caktojë Rama dhe të heqë dorë nga avokati. Në të kundërt, ai është kërcënuar me transferim në një tjetër burg dhe me hetime të reja nga SPAK.
Denoncimi u raportua fillimisht nga Hashtag.al, sipas të cilit, mbrëmjen e së premtes, më 30 tetor, ministri i Drejtësisë Toni Gogu ka mbërritur me urgjencë në burgun e Fierit, ku ndodhet i paraburgosur Erion Veliaj. Ai ka hyrë në burg pa u regjistruar për të përcjellë një mesazh në emër të Edi Ramës:
“Jam me porosi të KM këtu. Dua të të përcjellë tekstualisht atë që KM më ka porositur:
‘Është hera e fundit që po të drejtohem si babai yt politik, nga sot e tutje do të drejtohem veç si kryeministër.
-Dorëzo mandatin urgjentisht.
-Delego pushtetin te emrat që do të them unë.
-Hiq dorë nga avokati Plarent Ndreca.
-Në të kundërt, do të transferoj te burgu 302 dhe do orientoj SPAK-un të nis hetime për minim të rendit kushtetues dhe do të të kalb në burg.”
Veliaj sipas avokatit Plarent Ndreca nuk e ka pranuar ultimatumin. Përgjigjja e tij ndaj ministrit të Drejtësisë ka qenë e menjëhershme. Ai i ka thënë se “dhe sikur 100 vite burg të bëj, nuk ja marr fytyrën fëmijëve të mi”.
Takimi ka zgjatur vetëm pak minuta, ndërsa për dy ditë me radhë Veliaj nuk ka pasur mundësi të njoftojë për atë që kishte ndodhur. Ngjarja është bërë e ditur këtë të hënë, pasi avokati i tij, Plarent Ndreca, e ka takuar në burgun e Fierit.
Bashkia e Tiranës, si peng i sherrit Rama-Veliaj
Erion Veliaj duke dalë nga bashkia e Tiranës, për t’u shoqëruar në burg
Që kur ra në burg në shkurt të vitit 2025, Erion Veliaj ka lëvizur çdo gur për ta shfrytëzuar pozicionin e tij si kryetar i bashkisë së Tiranës për të lehtësuar pozitën penale. Ai refuzoi të dorëhiqet dhe e dorëzoi bashkinë e Tiranës tek njerëzit e Edi Ramës për njëfarë kohe, por tashmë që zgjedhjet po afrojnë, konflikti ka shpërthyer në shantazhe mafioze.
Në përpjekjen e parë për t’ia marrë bashkinë në mars të vitit 2025, Veliaj lëshoi pe. Në muajin mars të vitit të kaluar ai firmosi nga qelia e Durrësit emërimin e Sara Goxhajt, si nënkryetare duke zëvëndësuar Anuela Ristanin, por u tërhoq pa kaluar as 24 orë. Justifikimi që dha publikisht ishte se nuk kishte pasur informacionin e duhur.
“Kështu është kur “punon” pa informacionin e mjaftueshëm” u shpreh atëherë kryebashkiaku i Tiranës, duke fajësuar prokurorët e SPAK për paraburgimin dhe duke siguruar Ramën se marrëdhënia mes tyre mbetej e njëjtë. “Në marrëdhënien time me Ramën lodheni kot fare fare, se është plazmuar në kohëra të vjetra dhe nuk e ndryshon dot asnjë kohë, sado e mallkuar qoftë” shprehej Veliaj, që dukej se kishte ende shpresë se shefi i tij do ta ndihmonte në ditë të vështira.
Por Rama kishte plane të tjera. Ndërsa zgjedhjet lokale afronin, ai kërkonte bashkinë e Tiranës, që me buxhetin, rrogat dhe stafin që ka është një aset i çmuar në fushatë. Në shtator të vitit 2025, Rama urdhëroi këshillin Bashkiak ta shkarkonte Veliajn nga detyra, ndërsa paralelisht kishte shpallur kandidate Ogerta Manastirliun për zgjedhjet e pjesshme.
Këshilli Bashkiak i Tiranës duke votuar shkarkimin e Erion Veliajt
Planet e Ramës u ndalën nga një vendim i Gjykatës Kushtetuese që e riktheu Veliajn në detyrë, ndërsa kryetari i bashkisë u paraqit në gjyq me pranga në duar.
Bashkia e Tiranës mbeti nën ende nën kompetencat e kryebashkiakut të arrrestuar, që i firmoste urdhrat nga qelia e paraburgimit në Durrës. Marrëdhënia e thyer mes të dyve mori një dimension tjetër më 26 tetor, kur Veliaj përshëndeti fitoren e Listës Studentore ndaj Aleksandër Vuçiçit në Serbi. Në një kohë kur Shqipëria ishte përfshirë nga protestat kundër qeverisë Rama, ai shkroi: “Lëvizjet dhe protestat studentore nuk janë ‘fundi i botës’, por fundi i ‘një bote’”. Më tej, u bëri thirrje politikëbërësve të kuptonin nevojat dhe pritshmëritë e brezit të ri. Por ky qëndrim për Ramën ishte një deklaratë lufte, pasi kryeministri po bënte çmos t’i shtypte protestat me dhunën e ashpër policore dhe me akuza të forta për “duar të errta” që zgjateshin nga Rusia apo nga Irani.
Vetëm dy ditë më vonë, më 28 tetor, Veliaj u transferua papritur nga paraburgimi i Durrësit në Fier. Drejtoria e Burgjeve e justifikoi lëvizjen me masa sigurie, por e klasifikoi urdhrin e transferimit si “sekret shtetëror”, duke refuzuar publikimin e tij. Veliaj e kundërshtoi vendimin si “një rrëmbim policor” dhe kërkoi dokumentacionin që do t’i mundësonte ankimimin.
Më 30 tetor, Veliaj vendosi të hakmerret, ai shkarkoi dy nënkryetarë të tjerë të Bashkisë së Tiranës, Vasilika Vjeron dhe Ilir Mëngrën, duke emëruar Etleva Bishën. Po atë mbrëmje, sipas denoncimit të konfirmuar nga avokati Plarent Ndreca, ministri Toni Gogu shkoi në burgun e Fierit për t’i përcjellë ultimatumin e pretenduar të Ramës për dorëzimin e mandatit dhe delegimin e kompetencave.
Kronologjia tregon se Veliaj ka vendosur të mos largohet nga pushteti pa kosto për ish-mikun e tij Edi Ramën duke e nxjerrë hapur si një pushtetar që vepron me metoda mafioze nën petkun e politikanit modern. Marrëdhënia mes të dyve tashmë është një luftë e hapur brenda llojit, ose siç thotë edhe një shprehje e njohur; armiqtë më të egër janë shpesh miqtë e dikurshëm./ Lapsi.al
Avokati mbrojtës i Erion Veliajt, Plarent Ndreca, ka deklaruar se mbrëmjen e së premtes më 30 tetor, ministri i Drejtësisë Toni Go...
Një moment i sikletshëm për ministren e Administratës Publike, Adea Pirdeni u shënua këtë të hënë gjatë p...
Kreu i Grupit Parlamentar të PD, Gazment Bardhi në “News24”, komentoi projektbuxhetin për 2027. Gjatë intervistës, Bardhi t...
Nënkryetari i PD, Belind Këlliçi ka reaguar ndaj kreut të shtetit, pas dekretimit nga ana e këtij të fundit të hartës ...
Në Komisionin Parlamentar të Kulturës ditën e sotme zhvillimi i protestave studentore dhe dhuna fizike mes qytetarëve dhe forcave t&eum...
Ish-deputeti Lefter Maliqi ka reaguar përmes një postimi në rrjetet sociale lidhur me zgjedhjet e ardhshme lokale të 9 majit 2027, duke k&e...
Komisioneri Shtetëror i Zgjedhjeve, Ilirjan Celibashi, i ka drejtuar një kërkesë zyrtare Komisionit të Ankimimeve dhe Sanksioneve (KAS...
Protesta studentore vijon me marshimin drejt Ministrisë së Arsimit, ndërsa studentët kanë paralajmëruar se bojkoti i mësimit...
Deputetja e Partisë Demokratike, Jorida Tabaku tha sot se masat e propozuara për Paketën Fiskale 2027 do të shtojnë presionin mbi bizne...
DEKLARATA E DEPUTETES TË PARTISË SË LIRISË, ERISA XHIXHO Paketa e re fiskale është një thikë pas shpine qindra mijë...
