Momente terrori/ Klienti shpërthen me zemërim ndaj taksistes dhe i kafshon veshin

Skena si në një film thriller u zhvilluan gjatë natës në Nea Jonia të Greqisë ku një taksiste përjetoi momente terrori, pasi një pasagjer që kishte marrë taksinë e kafshoi dhe i preu veshin, sepse POS-i i saj nuk funksiononte.
Për këtë arsye krejt të parëndësishme, 35-vjeçari pësoi një shpërthim të dhunshëm, e kapi nga fyti dhe e kafshoi, ndërsa 54-vjeçarja bërtiste dhe kërkonte ndihmë, teksa gjaku i rridhte nga veshi i prerë.
Në videot e publikuara nga protothema.gr, dëgjohet profesionistja e taksisë duke bërtitur "ndihmë", ndërsa pasagjeri e kërcënon duke i thënë: "Të hëngra!"
54-vjeçarja vrapon rreth taksisë për t'i shpëtuar tërbimit të 35-vjeçarit, i cili e ndjek nga pas në përpjekje për ta kapur nga koka.
Agresori, i cili ndodhej në një gjendje të tërbuar, nuk ndalet as kur në rrugë dalin banorë të zonës, të alarmuar nga britmat e taksistes së pafat. Gjithçka ndodhi pak pas orës 01:00 të natës, kur 54-vjeçarja zbriti nga taksia 35-vjeçarin në rrugën Dermidhesiou, në Nea Jonia. Pasagjeri nxori kartën për të paguar, por telefoni i shoferes, i cili funksiononte si POS, nuk kishte sinjal, duke e bërë të pamundur kryerjen e pagesës.
Shoferja i kërkoi 35-vjeçarit të ndryshonin vendndodhje, në mënyrë që telefoni të kapte sinjal, dhe më pas ajo do ta kthente përsëri në shtëpi. 35-vjeçari u irritua, por kur shoferja i tha se ishte mirë të kishte edhe para me vete për raste të tilla, ai shpërtheu në zemërim.
Ai nisi të godiste xhamat e taksisë dhe e kapi gruan e pafat nga fyti, duke i thënë se do ta vriste.
54-vjeçarja doli në rrugë për të shpëtuar dhe aty 35-vjeçari i kafshoi veshin, duke ia shkëputur. Ai nuk u ndal dhe vazhdoi ta ndiqte, derisa në vendngjarje mbërritën efektivët e grupit DI.AS., të cilët e neutralizuan dhe i vunë prangat. /PiranjatNews/
Lexo edhe
BOTA
Çfarë nuk shkon me Xi Jinping? Kërkesat e pazakonta në Uashington dhe pse Partia Komuniste është e shqetësuar

Përmbytje masive në Katalonjë, dy viktima dhe një person i zhdukur

Dy anëtarë të delegacionit iranian dëbohen nga SHBA

BE: Dritë jeshile për qendra dëbimi në vende të treta

Zgjedhjet në Bosnje, qytetarët kërkojnë ndryshim mes tensioneve politike





