OKB ngre alarminm, paralajmëron krizë ushqimore globale

Miliona njerëz mund të përballen me rrezik më të madh urie nëse vazhdon ndërprerja e transportit të plehrave bujqësore përmes Ngushticës së Hormuzit, ka paralajmëruar një zyrtar i lartë i Kombeve të Bashkuara.
Jorge Moreira da Silva, nënsekretar i përgjithshëm i OKB-së dhe drejtues i Task Forcës së OKB-së për Ngushticën e Hormuzit, tha se pasojat do të jenë veçanërisht të rënda për vendet në zhvillim.
“Pasojat e mosveprimit janë një tragjedi për vendet në zhvillim”, tha Moreira da Silva.
Sipas tij, ndër vendet më të ekspozuara janë ekonomitë që varen ndjeshëm nga furnizimet me plehra që vijnë nga Gjiri. Ai përmendi Sudanin, Somalinë, Mozambikun dhe Tanzaninë si disa prej vendeve më të cenueshme.
Kriza në Ngushticën e Hormuzit ka sjellë tashmë një rritje të ndjeshme të çmimeve të plehrave bujqësore dhe një rënie të përdorimit të tyre, sipas zyrtarit të OKB-së. Këto zhvillime mund të ulin rendimentet bujqësore dhe të përkeqësojnë pasigurinë ushqimore, veçanërisht në vendet me të ardhura të ulëta.
Moreira da Silva tha se OKB-ja është e gatshme të vendosë monitorues në terren për të ndihmuar në sigurimin e kalimit të plehrave përmes ngushticës.
“Na duhen shtatë ditë për të vendosur monitorët në terren për të siguruar tranzitin e plehrave. Jemi gati, por ende varemi nga vullneti politik i palëve”, deklaroi ai.
Ngushtica e Hormuzit përbën një korridor strategjik për tregtinë ndërkombëtare. Përtej ndikimit të saj në tregjet e energjisë, pengesat në transportin e plehrave bujqësore mund të prekin drejtpërdrejt prodhimin ushqimor në vendet që varen nga importet.
Lexo edhe
BOTA
Kërcënon Vladimir Putin: Rusia do të përdorë të gjitha armët nëse sulmohet

"Fajin po dështon", Mark Rutte: Rusia po paguan një çmim të madh për luftën në Ukrainë

VIDEO/ Momenti dramatik kur automjeti përfundon me shpejtësi në faltore dhe përplas besimtarët

VIDEO/ Ukraina përdor për herë të parë raketën balistike FP-7, Zelensky publikon pamjet

Çfarë do të duhej të bëjë Mbretëria e Bashkuar për t'u ribashkuar me BE-në?





