Parlamenti në Budapest të hënën, i hoqi imunitetin parlamentar Magyarit me shumicë votash.
Ky i fundit kishte kërkuar heqjen e ...
BOTA
Përfshihet nga flakët Akademia e Shkencave në Kiev pas sulmeve ruse, raportohet një viktimë dhe disa të plagosur
PiranjatPërditësimi i fundit 28 Shtator 2026, 16:01
Një grua humbi jetën dhe tre persona të tjerë u plagosën pasi një dron rus goditi të hënën një ndërtesë të Akademisë së Shkencave në qendër të Kievit. Goditja shkaktoi dëme të mëdha në ndërtesë dhe shpërtheu një zjarr, ndërsa ekipet e emergjencës dhe zjarrfikësit mbërritën në vendngjarje për të vijuar operacionet e kërkim-shpëtimit.
Pamjet nga zona tregojnë një pjesë të shembur të murit anësor të ndërtesës, ndërsa flakët përfshinë katet e dyta dhe të treta. Mbetje të shumta u shpërndanë përreth objektit. Autoritetet thanë fillimisht se ishte goditur një ndërtesë e pabanuar në lagjen Shevchenko, ku ndodhet edhe godina historike e Akademisë së Shkencave.
Sulme të tjera u raportuan nga mediat e huaja në disa qytete ukrainase. Në Dnipro, një dron goditi një qendër biznesi, duke shkaktuar tre viktima dhe të paktën 12 të plagosur. Në Kharkiv, një sulm me bomba rrëshqitëse ndaj një ndërtese banimi plagosi 29 persona, mes tyre 10 të mitur. Edhe Kievi u përfshi nga sulmet, ku u raportuan dy viktima. Dronët dëmtuan gjithashtu ndërtesa banimi, infrastrukturën e telekomunikacionit dhe pika karburanti.
Ndërkohë, pala ruse deklaroi se objektivat e sulmeve në Kiev ishin qendra të të dhënave që, sipas saj, ofrojnë shërbime komunikimi dhe interneti për ushtrinë ukrainase. Moska njoftoi gjithashtu për goditjen e një qendre logjistike dhe një anijeje në rajonin e Odesës, të cilat i lidhi me furnizimet për forcat ukrainase.
