Tension i ri në Jemen, Huthitë raportojnë dhjetëra vdekje nga sulmet saudite dhe kërcënojnë me hakmarrje

Shtatë persona janë vrarë dhe më shumë se 40 të tjerë janë plagosur pas sulmeve ajrore të raportuara si saudite ndaj një tregu në provincën Taiz të Jemenit. Sipas lëvizjes Huthi, sulmet goditën një treg publik në zonën e Mawiyah, ndërsa në mesin e të plagosurve raportohet se janë edhe pesë fëmijë. 

Mediat shkruajnë se sulmet vijnë në një moment të përshkallëzimit të konfliktit mes forcave të qeverisë së njohur ndërkombëtarisht të Jemenit, të mbështetura nga Arabia Saudite, dhe lëvizjes Huthi, e cila kontrollon kryeqytetin Sana’a dhe zona të tjera të vendit. Huthit kanë akuzuar Arabinë Saudite për një seri sulmesh ajrore dhe kanë paralajmëruar se sulmet ndaj tyre do të kenë pasoja.

Përshkallëzimi ka rritur tensionet edhe në Detin e Kuq dhe në rajonin strategjik të Bab el-Mandeb. Arabia Saudite ka deklaruar se ka interceptuar dronë të nisur drejt Riadit, ndërsa luftimet dhe sulmet ajrore vazhdojnë pavarësisht përpjekjeve për të frenuar konfliktin. Situata mbetet e rëndë për popullsinë civile, ndërsa palët vazhdojnë akuzat dhe kundërpërgjigjet ushtarake.