Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
BOTA
Rriten tensionet para protestave të 31 tetorit ne Francë, Macron paralajmëron për rreziqe
PiranjatPërditësimi i fundit 26 Tetor 2026, 20:26
residenti francez, Emmanuel Macron paralajmëroi sot se e shtuna e ardhshme, 31 tetori, mbetet një ditë me rrezik të lartë për shkak të protestave të paralajmëruara në vend, ndërsa qeveria po përgatit masa për t’iu përgjigjur pakënaqësive sociale, sipas “Reuters”.
Gjatë një vizite në Marsejë, Macron tha se autoritetet duhet të trajtojnë kërkesat e protestuesve, duke theksuar se qeveria do të shpallë masa të reja për të sjellë ndryshime në një afat të shkurtër.
Protestat, që fillimisht u nxitën nga pakënaqësitë e studentëve për financimin e arsimit dhe pabarazitë në sistemin e pranimit në universitete, janë zgjeruar duke përfshirë sindikata dhe aktivistë të lëvizjes së “Jelekë Verdhët”.
Protestuesit kundërshtojnë gjithashtu rritjen e kostos së jetesës dhe përkeqësimin e shërbimeve publike.
Ministri i Brendshëm, Laurent Nunez, paralajmëroi gjithashtu për mundësinë e incidenteve të reja gjatë protestave të 31 tetorit.
Sipas tij, autoritetet presin një fundjavë të vështirë, pavarësisht masave të shtuara të sigurisë.
Për demonstratat e së shtunës së kaluar, autoritetet franceze angazhuan rreth 70 000 efektivë policie në të gjithë vendin.
Ministria e Brendshme raportoi 1 435 arrestime, ndërsa në disa qytete u shënuan përplasje dhe incidente të izoluara.
Macron pranoi se autoritetet nuk e kishin parashikuar shkallën e mobilizimit dhe të dhunës gjatë protestave të 17 tetorit.
Ai kritikoi gjithashtu përdorimin e rrjeteve sociale për të nxitur pjesëmarrjen në akte dhune dhe grabitje.
Ndërkohë, sindikatat kanë bërë thirrje për protesta të tjera më 31 tetor dhe për një mobilizim kombëtar më 5 nëntor, duke kërkuar përgjigje konkrete për pagat, koston e jetesës dhe shërbimet publike.
Qeveria franceze po zhvillon konsultime me përfaqësues të studentëve dhe sindikatave, me synimin për të ulur tensionet dhe për të parandaluar përsëritjen e incidenteve të javëve të fundit
