Çfarë do të serviret në tryezën e Trump, Putin dhe Xi Jinping? Zbulohet menuja e darkës së tre liderëve më të fuqishëm

Një darkë që mbledh në të njëjtën tryezë Donald Trump, Vladimir Putin dhe Xi Jinping nuk tërheq vëmendjen vetëm për shkak të peshës politike të të ftuarve, por edhe për detajet e organizimit dhe menusë së përzgjedhur.
Sipas raportimit të “South China Morning Post”, menuja e përgatitur nga presidenti kinez për darkën zyrtare përfshin një sërë specialitetesh të kuzhinës kineze.
Mes pjatave të para është një antipastë e ftohtë me emrin “Qyteti i Rokut”, ndërsa në tryezë do të shërbehet edhe supë peshku e shoqëruar me ullinj kinezë.
Për pjatat kryesore janë përzgjedhur karavidhe të skuqura me xhenxhefil dhe qepë të njoma, krap deti i gatuar në avull, si dhe biftek viçi me kërpudha.
Menuja përfshin gjithashtu kërpudha morel, lakra të vogla dhe gështenja të përgatitura me salcë shafrani. Gjatë darkës do të shërbehet edhe një antipastë me specialitete të kuzhinës kantoneze.
Edhe ëmbëlsirat janë pjesë e kësaj menuje të pasur. Të ftuarit do të kenë në dispozicion supë të ëmbël me fasule të kuqe, lëkurë mandarine dhe fara lotusi, si dhe tortë, fruta të freskëta dhe akullore.
Darka organizohet nga Xi Jinping në nder të liderëve dhe delegacioneve të mbledhura në qytetin Shenzhen, në kuadër të samitit të APEC-ut.
Lexo edhe
BOTA
La të vdiste vajzën e vogël në det, burgim të përjetshëm për nënën, dëshmia në gjykatë: Nuk jam vrasëse!

"Nuk kishte asnjë pjesë të trupit që nuk ishte abuzuar"/ Prindërit burgosen pas 40 vitesh për vrasjen e vajzës së tyre të vogël

Partitë Popullore Evropiane propozojnë pezullimin e partisë së Vuçiçit

Makabre/ Vëllai verbon motrën: Je një djall, do të të kthej në engjëll!

“Dimri, Trump dhe Le Pen”, ish-drejtori i Financial Times: Putin një mjeshtër i destabilizimit, çfarë po llogarit për të fituar në Ukrain...





