Deputeti australian surprizon partneren në fjalimin e lamtumirës, i propozon martesë para gjithë parlamentit
Një fjalim lamtumire në Parlamentin e Uellsit të Ri Jugor në Australi është kthyer në një moment romantik, pasi deputeti Jordan Lane i propozoi martesë partneres së tij prej më shumë se 10 vitesh, përpara kolegëve dhe të pranishmëve.
Deputeti i Partisë Liberale, i cili kishte njoftuar dorëheqjen një muaj më parë, mbajti fjalimin e tij të fundit të enjten, më 19 nëntor. Por, në vend që ta mbyllte me një mesazh politik, ai kishte përgatitur një surprizë të veçantë për partneren e tij, Natalie. Gjatë fjalimit, Lane ndërpreu papritur fjalën dhe iu drejtua kryetarit të Parlamentit: “Zoti kryetar, si deputet i zonës së Ryde, pyetja ime e fundit është për dashurinë e jetës sime, Natalie.”
Më pas, duke iu kthyer partneres, ai e pyeti: “A do të martohesh me mua?” Përgjigjja ishte pozitive dhe salla e parlamentit shpërtheu në duartrokitje. Lane i vendosi unazën e fejesës në gisht partneres, përpara se çifti të shkëmbente një puthje në mes të sallës.
I emocionuar nga momenti, deputeti kërkoi që përgjigjja e Natalie-t të regjistrohej edhe në procesverbalin zyrtar të parlamentit. “Do të doja të shënohej në procesverbal se ajo tha ‘po’”, u shpreh ai. Pas propozimit të pazakontë, kryetari i Asamblesë Legjislative të Uellsit të Ri Jugor, Greg Piper, e komentoi me humor ngjarjen, duke deklaruar se Parlamenti i 58-të do të mbahet mend si “parlamenti i dashurisë”.
Lexo edhe
BOTA
Bërtiti nga dhimbjet gjatë ekzekutimit, 70-vjeçari në Teksas humb jetën 63 minuta pas injeksionit vdekjeprurës

Eisenkot përpiqet të formojë qeverinë izraelite edhe pa shumicën parlamentare, teksa Netanyahu kërkon qeveri uniteti

Katër përfundimet nga takimi historik mes Trumpit, Xi-së dhe Putinit

Kreu i sigurisë kibernetike amerikane largohet nga detyra pas problemeve teknike

Gjeti 12 mijë euro në koshin e plehrave dhe i dorëzoi në polici, ndershmëria i siguron punë të përhershme në Spanjë!

“Jepini fund luftës!”- Italia bllokohet nga protestat studentore, paralajmërohen edhe greva

VIDEO/ Qielli i Kievit në flakë, del momenti kur mbrojtja ukrainase rrëzon dronin rus gjatë sulmit masiv të Moskës

Merz: Evropa e gatshme të negociojë me Rusinë, por kërkon vend në tryezën e bisedimeve për Ukrainën





