Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
“Qeverinë e merr Balluku”, Curri zbulon prapaskenat e Asamblesë së PS: Gogu ka 24 orë kohë Shkëlqen Shqipëria, kuqezinjtë kryesues fitojnë ndaj Finlandës Afrim Qendro shkarkohet nga detyra si kreu i IKMT-së “200 lekë për çdo nxënës”/ Pas “Bajram Currit”, edhe shkolla “Nënë Tereza” në Durrës u kërkon prindërve par... EMRI/ I riu shqiptar vdiq tragjikisht në punë, autopsia zbardh shkakun  Policia aksion në Vlorë/ FNSH dhe Krimet zbarkojnë në Çole, në ‘sitë’ disa automjete dhe personat e shpallu... “Të mobilizohemi të gjithë”/ Piranjat News publikon mesazhet ku prindërve u kërkohet të lyejnë e pastrojnë ... Detajet e reja/ Zbardhen lidhjet e Luka Beqirajt, shqiptarit që u ekzekutua në Spanjë Kush është Colette Kress, CEO-ja e përkohshme e Nvidia-s që zëvendëson Jensen Huang? Kryemadhi kundërshton SPAK-un për lobimin në SHBA: Kontratën nuk e ka firmosur Meta! Zbardhen detajet e aksionit sot në Spitalin Rajonal Fier, drejtori merret në pyetje nga prokurorët e SPAK Rama e konfirmon nga Dublini: S’do të ketë samit të NATO-s në Tiranë në vitin 2027
EDITORIAL

Fshije videon! Mos shkatërro një jetë

P
Piranjat 2 October 2026, 21:00 · 4 min lexim
Fshije videon! Mos shkatërro një jetë

Nga Dojna Mema

Unë njoh 12 gra, jeta e të cilave është shkatërruar brenda 2 orësh, ditën e mërkurë. 12 gra që nuk kishin bërë asgjë. Asgjë, përveçse të kishin fatin e keq për të ndërtuar marrëdhënie intime me një njeri që abuzoi me besimin e tyre. Fatin e keq që ato video, për të cilat jam e bindur se nuk e kanë dhënë pëlqimin, u publikuan, edhe pse nuk kanë asnjë interes publik.

Jo! Ato materiale nuk kanë interes publik! Sepse kurioziteti publik, perversiteti publik, nuk është interes publik!

Po. Dhe gjërave duhet t’u vëmë emrin e vet.

Ai që vuri kamerën dhe filmoi njerëz që nuk e dinin, nuk bëri “skandal”.

Bëri krim.

Ai që i nxori ato pamje andej nga ishin, nuk “rrodhi informacion”.

Edhe ai bëri krim.

Edhe ai që i hodhi online, duke e quajtur veten “gazetar”, nuk bëri gabim profesional. Ai ndërroi zanat. Sepse gazetaria ka një detyrë që e ndan nga tregtia: të mbrojë atë që nuk mbrohet dot vetë.

Por ka diçka që më habit.

A nuk ju duket e çuditshme që ato 12 gra po bëhen mish për top në sezonin më të madh të skandaleve të kësaj qeverie?

A nuk ju duket e çuditshme që nga flamingot, po na detyrojnë të merremi me video erotike që s’kanë lidhje me politikën?

Në të vërtetë, ato nuk janë vetëm 12 gra…

Janë 120 gra…

Janë 1200,

12,000 e më shumë gra.

Ne i takojmë çdo mëngjes kur vijnë të denoncojnë; shohim përditë atë që u ndodh; viktima të hakmarrjes pornografike; nuk na kanë bërë asgjë dhe i godasim me gurë… jo në rrugë, por në rrjete, në chate, në meme.

Por nëse më e keqja ndodh, nëse një nga ato 12 gra nuk e mban dot dhimbjen e madhe që po i shkaktohet, çfarë do të bëjmë ne me ato meme?

Si do të mund ta shohim veten në pasqyrë?

A e pyesim veten nëse po shkatërrojmë jetën e dikujt? Dikujt që nuk na ka bërë asgjë! As ne, as familjeve tona, e as vendit tonë!

A e pyesim veten që nesër mund të jetë radha e një njeriu që e duam, që nuk e meriton t’i ndodhë kjo?

A duam ne një shoqëri që, po të pa vulnerabël, të mbulon me gurë?

Apo mos po kthehemi si shoqëri në kopje të atyre kundër të cilëve po protestojmë çdo ditë në bulevard?

Janë shumë pyetje. Që kanë vetëm një përgjigje.

Ju…

Ti që po më dëgjon…

Dëgjoje zërin e motrës, nënës, gruas apo fëmijës brenda teje…

Dhe fshije.

Fshije videon dhe fshije chatin ku e dërgove.

Dhe më lejo që, në emër tënd, t’u kërkoj falje.

Na falni, vajza e gra.

Na falni, për këtë që ju bëmë.

Sepse ju nuk na keni bërë asgjë./piranjat news

Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi

 

SHPËRNDAJE

Lexo edhe

EDITORIAL

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.