EMRI/ Vdekja e punëtorit shqiptar, pesë persona nën hetim

Pesë persona janë marrë nën hetim lidhur me aksidentin tragjik të ndodhur më 17 nëntor në autostradën A18, mes Giardini Naxos dhe Taorminës në Itali, ku një automjet përplasi për vdekje një punëtor 64-vjeçar shqiptar Hashim Mehmeti, i cili po punonte në një kantier.
Përveç drejtueses së automjetit, një 54-vjeçare nga Viagrande, dhe shoferit të makinës tjetër të përfshirë në aksident, nën hetim janë vënë edhe përgjegjësit e kantierit ku punonte viktima.
Bëhet fjalë për një 61-vjeçar nga Torrenova dhe dy persona nga provinca e Casertës, të lidhur me kompaninë që po kryente punimet. Të pesë të hetuarit janë identifikuar si Tania Andreoli, Santino Trimarchi, Salvatore Giacobbe, Alfonso Capezzuto dhe Dino Della Valle.
Ata dyshohen për veprën penale të vrasjes nga pakujdesia në aksident rrugor, në bashkëpunim.
Sipas rindërtimit paraprak të ngjarjes nga Policia Rrugore, automjeti i drejtuar nga 54-vjeçarja, me shumë gjasë gjatë një manovre parakalimi, është përplasur me një makinë tjetër dhe më pas ka përfunduar brenda kantierit, duke goditur për vdekje punëtorin shqiptar.
Prokurori Fabrizio Monaco, i cili drejton hetimet, ka urdhëruar kryerjen e autopsisë, e cila është planifikuar për të martën e ardhshme në spitalin Piemonte. /PiranjatNews/
Lexo edhe
AKTUALITET
Transportonin 500 mijë euro me makinë, si u zbulua skema e mashtruesve në Janinë

Çmenduri në Kukës/ I riu merret peng për një gërvishtje pasqyre të makinës dhe rrihet barbarisht

Shqipëria synon mbrojtjen antiraketore me aleatët e NATO-s

Ndërpritet furnizimi me ujë në Elbasan, defekt në tubacionin kryesor të ujësjellësit
Deputeti shqiptar në Parlamentin e Serbisë: Jemi të gatshëm për dialog me qeverinë e re





