Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
A do t’i përballojnë kanalizimet shirat e këtij dimri? IGJEUM: Priten përmbytje në 3 qarqe të vendit Tre kompani sigurimi rrezikojnë të dalin nga tregu Ekstradohet nga SHBA Valentin Ftoni, i dënuar dy herë me nga 25 vite burg për tri vrasje në Shkodër “I paguaj rrogë ministrit”/ Kush është ‘Visi i Peqinit” i njohur si “Capo dei capi” i botës së krimit... “Po na kap korrenti njerëzit çdo ditë, ju shihni flokët me xhel”/ Korreshi: O Karakaç, treni ty ty ty? U rr... E pazakontë në Tiranë/ 24-vjeçarja bie nga dritarja e pasme e taksisë, ndalohet nga policia shoferi Kapet me drogë 41-vjeçari i dënuar dy herë më parë në Fier Berisha: Keni vjedhur rreth 50 miliardë euro me buxhetet, Rama shkatërroi prokurimet me modelin KAYO Berisha rreshton skandalet: Nuk ka parë toka hajdutë si ju, narkoshteti juaj rriti çmimet në Shqipëri Ndryshojnë sërish çmimet e karburanteve, sa do të shitet nafta dhe benzina Procedohen 24 protestues, gjobiten 28 të tjerë Kapet me pushkë dhe fishekë në makinë, arrestohet 22-vjeçari
SPORT

Euro 2028 vazot/ Shqipëria njeh rivalët e mundshëm! Kuqezinjtë mund të ndeshen me Serbinë, shmangin Kosovën

Shqipëria do të jetë në vazon e tretë për shortin e kualifikueseve të Kampionatit Europian 2028

P
Piranjat18 November 2026, 14:32 · 3 min lexim
Euro 2028 vazot/ Shqipëria njeh rivalët e mundshëm!

Shqipëria do të jetë në vazon e tretë për shortin e kualifikueseve të Kampionatit Europian 2028. Kuqezinjtë mund të përballen sërish me Serbinë, ndërsa nuk mund të luajnë me kosovën. Shorti i kualifikueseve do të hidhet më 6 dhjetor në Belfast.

Me mbylljen e fazës së grupeve të ligës së kombeve, janë plotësuar edhe vazot e kampionatit europian.

Shqipëria do të jetë në vazon e tretë, teksa mund të përballen me cilëndo prej 12 skuadrave të vazos së parë, ku spikasin Anglia, Franca, Gjermania, Spanja, Italia dhe Portugalia. Në vazon e dytë janë gjithashtu emra si Turqia, Serbia, Zvicra dhe Austria, ndërsa nga vazot e katërta dhe të pestë mund të vijnë kundërshtarë të lehtë.

Formati parashikon që 54 kombëtaret të ndahen në 12 grupe: gjashtë me nga katër skuadra dhe gjashtë me nga pesë. Kuqezinjtë nuk mund të përballen me Kosovën, pasi të dyja përfaqësueset janë në vazon e tretë. Ndërkaq, mundësitë janë që Shqipëria të përballet sërish me serbinë, pasi ajo renditet në vazon e dytë.

 Gjithashtu, pozicionimi në grupe do të ndikohet nga rezultatet e çerekfinaleve dhe ndeshjeve të play-off-it të Ligës së Kombeve fituesi e çerekfinaleve do të vendosen në grupe me katër skuadra.

12 fitueset e grupeve dhe tetë vendet e dyta me renditjen më të mirë do të sigurojnë drejtpërdrejt pjesëmarrjen në Evropian. Vendet e tjera të dyta do të kenë mundësinë të luftojnë përmes fazës play-off, ku do të përfshihen edhe përfaqësuese të renditura mirë në Ligën e Kombeve që nuk kanë siguruar kualifikimin.

Një veçanti e këtij edicioni lidhet me katër bashkëorganizatorët: Anglinë, Skocinë, Uellsin dhe Republikën e Irlandës.

Ndryshe nga praktika e mëparshme, katër vendet organizatore përfshirë Anglinë, Skocinë, Uellsin dhe Republikën e Irlandës, nuk kualifikohen automatikisht, por do të luajnë në fazën eliminatore si të gjitha ekipet e tjera.

Megjithatë, UEFA ka rezervuar dy vende për bashkëorganizatorët që nuk arrijnë të kualifikohen drejtpërdrejt. Për të rritur shanset e tyre, katër organizatorët, së bashku me Irlandën e Veriut, do të ndahen në grupe të ndryshme.

Ndeshjet kualifikuese do të nisin në mars 2027 për disa prej skuadrave, ndërsa pjesa tjetër do ta fillojë garën në shtator, me përfundimin e saj të planifikuar në nëntor të po atij viti. Shorti i kualifikueseve do të hidhet më 6 dhjetor në Belfast.

SHPËRNDAJE

Lexo edhe

SPORT

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.