Gruaja shqiptare me burrin arrestohen me 4 kg kokainë. I “bënë gropën” vetes në autostradë!

Policia italiane ka arrestuar dy persona, një grua 42-vjeçare me origjinë shqiptare dhe një burrë italian 43 vjeç, pasi u kapën në një automjet me mbi 4 kilogramë kokainë.
Operacioni u zhvillua nga Policia e Shtetit në Siena, në kuadër të kontrolleve kundër trafikut dhe shpërndarjes së lëndëve narkotike.
Ngjarja ndodhi pasditen e 15 nëntorit, në territorin e Poggibonsit. Efektivët e Njësisë së Lëvizshme, të cilët po kryenin një operacion antidrogë, vunë re një automjet që po lëvizte në autostradën Siena-Firence, në zonën e Salcetos, duke kryer manovra të pazakonta dhe të rrezikshme.
Sjellja e dyshimtë e drejtuesit të mjetit bëri që policia të njoftonte komisariatin e Poggibonsit, i cili aktivizoi patrullat në terren.
Automjeti u ndalua në rrugën Montenero, ku policët identifikuan dy personat që ndodheshin brenda tij.
Për shkak të sjelljes së tyre nervoze dhe të shqetësuar, efektivët vendosën të kryenin një kontroll më të imtësishëm të automjetit.
Gjatë kontrollit, në një çantë të vendosur pas sediljes së shoferit dhe të mbuluar me një xhup, u gjetën katër pako me më shumë se 4 kilogramë lëndë narkotike. Testi paraprak konfirmoi se bëhej fjalë për kokainë.
Policia sekuestroi gjithashtu 500 euro cash, që dyshohet se kishin lidhje me aktivitetin e paligjshëm.
Pas arrestimit, me urdhër të Prokurorisë së Sienës, burri u dërgua në burgun e Sienës, ndërsa 42-vjeçarja në burgun e Firences-Sollicciano, ku do të qëndrojnë në dispozicion të autoriteteve gjyqësore.
Operacioni është pjesë e kontrolleve të vazhdueshme të policisë italiane kundër trafikut të drogës, me fokus të veçantë në zonën Val d’Elsa të Sienës./PiranjatNews/
Lexo edhe
AKTUALITET
Bënë “namin” duke vjedhur vegla pune, arrestohen tre shqiptarë në Mal të Zi. Materialet do i transportonin drejt Shqipërisë

EMRI/ U arratis me pranga nga varrimi i të vëllait, ekstradohet shqiptari

Gjykata e Apelit shpall të pafajshëm Armando Ndrecën, vëllain e ish-deputetit socialist Eduard Ndreca

“Shqiptarët më kanë motivuar”, Vishkulli kthehet nga Italia në Tiranë: S’jam penduar që mora pjesë në protestë

Ortak në firmën e ilaçeve me ish-deputetin e PS Artan Gaçi, sekuestrohen aksionet e Ilir Shehut





