Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Rruga në gjendje të mjerueshme në Dimal/ Banori ngre dyshime: Ku përfunduan 800 milionë lekët e investimit?... Përplasja me Ramën, Spiropali nuk tërhiqet: Nuk e kam turpëruar PS-në, mes nesh ka abuzues me pushtetin Humbje e madhe për futbollin shqiptar, ndahet nga jeta ish-futbollisti dhe pjesëtari i stafit të Shkëndijës... “Nga partia e Dritëroit te organizata e Nesti Angonit, narkoregjimi po ha vetveten”/ Tedi Blushi: Të bashko... ADN-ja e Hitlerit zbulon sekrete të panjohura të diktatorit, nga anomalitë gjenetike te predispozita për së... Nuk ndalet revolta! Studentët kujtojnë dhunën policore, ironi përmes pankartave: Ne nuk harrojmë! Dënim maksimal për portierin Owono që shkaktoi vd*kjen e lojtarit kundërshtar “Unë për ty kam qenë si Skënderbeu, ti për mua Mamica”, çfarë tha Rama në Asamblenë e PS-së për Spiropalin:... Klop "tallet" me mbrojtësin serb që "vuajti" përballë talentit me origjinë shqiptare Tragjedi në Greqi! Shembet ndërtesa gjatë shuarjes së zjarrit, humbin jetën dy zjarrfikës dhe plagoset një ... “Asambleja e paranojës, terrorit dhe censurës”/ Këlliçi reagon pas fjalimit të Ramës: Balluku shëtit lirshë... EKSKLUZIVE/ Shkarkohet Drejtori i Përgjithshëm i Doganave Besmir Beja
INVESTIGIME

“Astrologia e mrekullive”/ Zbardhen fakte të reja dhe dëshmi të qytetarëve

P
Piranjat 4 April 2026, 11:20 · 6 min lexim
“Astrologia e mrekullive”/ Zbardhen fakte të reja dhe

Elena Demollari, “astrologia e mrekullive”, e cila prej kohësh promovon veten si zgjidhëse problemesh personale, shpirtërore dhe madje edhe lidhjesh njerëzore, është rikthyer sërish.

Duke na akuzuar si të paguar për t’i prishur imazhin.

Madje ajo ka kapërcyer çdo vijë të kuqe duke na kërcënuar hapur në rrjetet e saj sociale, në një formë sa makabre aq edhe qesharake njëkohësisht. Sidoqoftë, kjo është pjesa më e parëndësishme e kësaj historie.

Sepse pas transmetimit të emisionit, ajo u shfaq në ekran duke pretenduar se synimi ynë ishte t’i dëmtonim imazhin dhe duke mohuar kategorikisht se ofron “zgjidhje” apo ndërhyn në jetët e njerëzve. Ajo u shpreh se nuk detyron njeri, por ata vijnë vetë. Një logjikë që, po ta ndjekësh deri në fund, i bie që çdo mashtrim është i justifikuar, mjafton që viktima të trokasë vetë në derë.

Në daljen e saj televizive, zonja Elena distancohet nga çdo produkt konkret, duke folur për “një zonjë tjetër të licencuar” që shet këto solucione misterioze, por që çuditërisht nuk duhet përmendur.

Një personazh fantazmë që shfaqet vetëm kur duhen hedhur përgjegjësitë diku tjetër. Pra, sipas saj, jo vetëm që nuk ekziston produkti, por ekziston njëkohësisht edhe një komplot për ta bërë të duket sikur ekziston.

Sipas saj, problemi nuk është që po shitej një “solucion” 500 euro, por që dikush e kapi në momentin që po e shiste.

Dhe ndërsa në studio zonja mundohet të pastrojë figurën dhe të ndërtojë një realitet paralel, ku sipas saj asnjë fakt i publikuar për të nuk është i vërtetë, jashtë ekranit historia është krejt tjetër. Sepse në redaksinë tonë kanë mbërritur me qindra mesazhe nga dhjetëra qytetarë, të cilët shprehen se janë mashtruar prej saj, duke rrëfyer histori të ngjashme të premtimeve të pambajtura dhe parave të marra në këmbim të “shërbimeve” të dyshimta.

Ndoshta për Elenën edhe këto dhjetëra mesazhe që sapo patë mund të jenë një manipulim nga ata që duan t’i shkatërrojnë karrierën.

Mundet që edhe të jemi ne që i shkruajmë vetë këto mesazhe se jemi paguar nga kundërshtarët. Por ja që ka edhe individë që nuk janë mjaftuar vetëm me një mesazh.

Premtimet e Elenës për të “shëruar” sëmundje dhe për të nxjerrë njerëzit nga depresioni janë të njëjta për të gjithë klientët. Ashtu sikurse janë edhe shumat e parave që ajo merr në këmbim të tyre.

Sipas zonjës Elena, premtimet kanë qenë të drejtpërdrejta: shërim, zgjidhje problemesh dhe ndërhyrje në jetën personale. Një “CV” që, nëse do të funksiononte realisht, do të zëvendësonte gjysmën e institucioneve.

Në të dyja rastet e denoncueseve përmendet një person i dytë, i prezantuar si “mjeshtër”, identiteti i të cilit mbetet i paqartë. Me sa duket ai është “kryemagjistari”, i cili drejton këtë skuadër magjike, pjesë e së cilës është edhe astrologia jonë.
Ku metodat e përshkruara nuk kanë asnjë bazë të njohur shkencore dhe na prezantohen si forma “shërimi” që kushtojnë qindra euro.

Por paratë, në shumicën e rasteve, nuk mund të kthehen.

Fatmiri, 45 vjeç, pas një situate të rënduar familjare, bashkë me gruan e tij, i besojnë astrologes sonë, e cila u premton se do të parashikonte të ardhmen e fëmijëve të tyre.

Me pak lëvizje dhe me pak punë bindëse, Elena ka fituar besimin e këtij zotërie, i cili, duke i besuar verbërisht forcës së saj të mbinatyrshme, e lëshon veten në duart e saj.

Pak ditë pas kësaj bisede, astrologia bëhet më konkrete dhe vë gishtin mbi plagë, duke “zbuluar” problemin e vërtetë të këtij zotërie dhe gruas së tij. Kuptohet që dy bashkëshortët ishin vulnerabël përballë çdo personi që do të kërkonte t’i manipulonte.
Dhe në fakt, ashtu ndodhi.

Fuqia e fjalëve të kësaj gruaje ndikoi drejtpërdrejt në shëndetin e tyre mendor.

Pasi Elena ka arritur t’i bindë se gjendja e tyre është vërtet e rëndë, sipas një skenari të mirë menduar që e pamë edhe në rastet e mëparshme, ajo ia pason “topin” kryemagjistarit të saj.

Fatmiri vendos të ndërpresë aty komunikimin me dy mashtruesit. Ndërkohë, qindra persona të tjerë kanë rënë viktimë e këtyre dy individëve.

A duhen ndaluar urgjentisht kjo grua dhe “mjeshtri” i saj anonim, të cilët përfitojnë çdo ditë nga persona në fatkeqësi? /Piranjat News

 

SHPËRNDAJE

Lexo edhe

INVESTIGIME

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.