Banorët e fshatit Cizmel në Shijak kanë protestuar për mungesën e rrugës që lidh tokat e tyre bujqësore.
Sipas banor&...
INVESTIGIME
Punë të mbarë në kazino/ Portali i ekselentëve në administratë të dërgon në “Jackpot”- shteti që luan bixhoz!
PiranjatPërditësimi i fundit 3 Nëntor 2025, 10:24
Nga ekselenca në bastet online në Shqipëri gjithçka është e mundur.
Madje edhe të hapësh një portal për “studentët ekselentë”, dhe pas një klikimi të vetëm, të përfundosh në bastet online.
Po, po, Departamenti i Administratës Publike – institucioni që duhet të jetë shembulli i etikës shtetërore – e ka lidhur platformën “pune te mbarë.al” me një faqe që promovon kazinotë dhe baste sportive.
Nga rekrutimi në shtet, tek parashikimi i ndeshjeve në Premier League, manuale udhëzimi se si mund të hapësh një faqe bastesh online dhe kazinot – vetëm një klik larg.
Në faqen zyrtare të DAP-it, për ironi të fatit, shfaqet fotoja e Edi Ramës, Lindita Nikollës dhe ish-ministres së Arsimit, si për t’i dhënë edhe më shumë “besueshmëri” kësaj aventure dixhitale që të dërgon drejt ruletës, jo drejt punësimit.
Ekselentët, që pritej të punësoheshin në administratë, përfundojnë në faqe që u ofrojnë “bonus mirëseardhjeje”, “kuota të sigurta” dhe “strategji fitimi”. Një kombinim perfekt midis meritokracisë shqiptare dhe fatit që gjithmonë e vendos sistemi në lojë. Dhe kur mendon se absurdi mbaron këtu.
Siguria kombëtare është më e brishtë se një link që të dërgon nga “qeveria.gov” në “ 22bet” dhe Kazino. Në fund, për të qenë të drejtë, ndoshta nuk është faji i tyre.
Mbase linkun e bastit e ka vendosur ndonjë “patronazhist i talentuar” gjatë orarit të punës.
Ose, në skenarin më të keq, faqja është hakuar dhe, ashtu si në rastin e publikimit të të dhënave, sistemi është aq i brishtë sa nuk mbron dot as platformat më bazike. Është për t’u shqetësuar fakti që, me këtë nivel sigurie, Kryeministri Rama vazhdon të kërkojë dixhitalizimin e vendit, ndërkohë që mbrojtja kibernetike është në nivelet minus zero. Vlen të kujtojmë se identitetet dhe pagat e shqiptarëve u hakuan më parë dhe mijëra të dhëna sensitive u publikuan. Mos ndoshta ata që sulmuan sistemin janë ende brenda tij?
Në të njëjtën javë që qeveria reklamon baste dhe publikon sekrete ushtarake, ndoshta është koha që dikush të ndalojë lojën. Sepse kur shteti fillon të luajë me qytetarët, gjithmonë humbet publiku./Piranjat.al
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi sipas nenit 179 të Ligjit 35/2016
