Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
INVESTIGIME
Kamera e fshehtë e Altin Prenga, influencerja italiane ankohet për ushqimin
E.DPërditësimi i fundit 18 Tetor 2024, 22:21
TIRANË- Si mund të acaroni në maksimum një shef kuzhine? Natyrisht nëse i shani ushqimin. Sepse për një shef, ajo çfarë të servir në pjatë është vepra e tij e artit, e cila nëse kontestohet, mund të sjellë konseguenca të paimagjinueshme.
Por jo kur ky shef është Altin Prenga, i Mrizit të Zanave, agroturizmi më i njohur në Shqipëri. Sepse në shakanë që i kemi bërë, nuk do të shihni as përplasje, as thyerje pjatash dhe as ulërima, por një tension të fshehur mjaft mirë poshtë buzëqeshjes së sforcuar të 41 vjeçarit, i cili me një punë 14 vjeçare, e ka kthyer Fishtën në një atraksion që vizitohet çdo vit nga mijëra e mijëra turistë, vendas dhe të huaj.
Për të realizuar kameran tonë të fshehtë, kemi angazhuar Giusy-n një influencere italiane me më shumë se 400 mijë ndjekës, e cila e viziton shpesh Shqipërinë, duke promovuar destinacionet më të njohura turistike. Ardhja e Giusy-t dhe partnerit të saj tek Mrizi, nuk ka se si të mos bjerë në sy të shef Altinit, i cili sapo merr vesh për prezencën e tyre, iu prezantohet vetë.
Këtu nisin një pafundësi situatash komike me Giusy-n që konteston çdo ushqim të servirur, dhe shef Altinin i cili me shumë edukatë kërkon ta bindë influenceren se po gabon në këto përfundime. Në fund, kur mëson se bëhet fjalë për një kamera të fshehtë, Altin Prenga, çlirohet nga një makth i paimagjinuar, shkaktuar nga Piranjat.
