Jennifer Lopez ironizon katër martesat e saj të dështuara, fansi e lë pa fjalë me batutën: “Ke ende gjashtë gishta!”

Jennifer Lopez ka treguar edhe një herë se di ta marrë me humor jetën e saj sentimentale. Këngëtarja dhe aktorja amerikane është bërë protagoniste e një momenti gazmor gjatë një prej shfaqjeve të saj, pasi një fans në publik bëri një koment ironik për katër martesat e saj të përfunduara me divorc.
Gjithçka ndodhi gjatë spektaklit “The JLO Show: Live in Las Vegas”, në New York. Teksa po fliste për historinë e saj romantike, Lopez përmendi se ka kaluar nëpër katër divorce, duke ngritur njëkohësisht katër gishta për ta ilustruar këtë fakt.
Por përgjigjja që mori nga publiku ishte e papritur.
“Ke ende gjashtë gishta!”, i thirri një fans, duke lënë të kuptohej se këngëtares i mbeten ende gjashtë mundësi për martesë.
Lopez nuk arriti ta mbante të qeshurën. Ajo shpërtheu në të qeshura, nisi të kërcente nga gëzimi dhe drejtoi gishtin nga personi që bëri batutën.
“Pikërisht! Zot i madh, kjo është gjëja më qesharake që kam dëgjuar ndonjëherë në jetën time”, u përgjigj artistja.
Madje, dikush nga skena sugjeroi që kjo batutë të kthehej në një slogan për një bluzë, ide me të cilën Jennifer u pajtua menjëherë.
Videoja e momentit u përhap me shpejtësi në rrjetet sociale, ku përdoruesit komentuan reagimin e saj plot humor. Disa e vlerësuan faktin që këngëtarja arriti të qeshte me një pjesë kaq personale të jetës, ndërsa të tjerë u shprehën se do ta blinin me kënaqësi një bluzë me atë mbishkrim.
Marina Pruitt, fansja që filmoi skenën, tregoi për “Today” se Jennifer është një shembull frymëzimi për të, pasi vazhdon të punojë, të arrijë suksese dhe të ngrihet sërish pas çdo vështirësie.
Sa i përket jetës së saj sentimentale, Lopez ka qenë e martuar katër herë. Martesa e parë ishte me Ojani Noa në vitin 1997, por çifti u nda vetëm një vit më vonë. Në vitin 2001, ajo u martua me balerinin Cris Judd, nga i cili u divorcua në vitin 2003.
Në vitin 2004, këngëtarja kurorëzoi dashurinë me Marc Anthony. Nga kjo martesë erdhën në jetë binjakët e tyre, ndërsa ndarja u finalizua në vitin 2014.
Historia e saj e katërt martesore ishte me aktorin Ben Affleck. Pas një romance dhe fejese të ndërprerë në fillim të viteve 2000, dyshja u ribashkua pas gati dy dekadash dhe u martua në vitin 2022. Megjithatë, marrëdhënia nuk zgjati dhe divorci i tyre u finalizua në vitin 2025, pas ndarjes në vitin 2024.
Nuk është hera e parë që Jennifer e përdor humorin për të folur rreth martesave të saj. Ajo i ka referuar ato edhe në videoklipin e këngës “Can’t Get Enough”, publikuar në vitin 2024.
Ndërkohë, në një intervistë me Howard Stern në vitin 2025, artistja foli hapur për marrëdhëniet e kaluara, duke thënë se partnerët e saj nuk kishin ditur ta donin në mënyrën që ajo meritonte, pavarësisht gjithçkaje që kishte dhënë. Ajo e cilësoi gjithashtu divorcin e fundit si një nga gjërat më të mira që i kishte ndodhur.
Lexo edhe
SHOWBIZ
Elijona Binakaj rikthen llogarinë në Instagram pas një jave, zbulon çfarë ndodhi: Nuk është hera e parë

A do të rikthehet RBD në skenë? Karol G mund të bëjë realitet surprizën e madhe!

Autobus plot me vajza në ditëlindjen e DiCaprios, po ku ishte partnerja e tij Vittoria?

Nuk ishte aspak siç dukej! Chiara Ferragni zbulon anën e errët të martesës me Fedez

Zbulohet arsyeja e ndarjes mes Mateos dhe Brikenës





