Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Mandati/ Bylykbashi: Kush vjedh, s’e gëzon dot - Duhet ta humbasë jo vetëm deputeti, por edhe partia përkat... 28 Nëntor/ Ftesa e Berishës: Të nderojmë flamurin kombëtar me protestën më të fuqishme që ka parë vendi... Hodhën vezë drejt makinës së Ramës, Gjykata shpall të paligjshëm arrestimin e dy protestuesve “Rama përdor patronazhistët si kamzhik ndaj qytetarëve dhe bizneseve”/ Bylykbashi: Kontrollet selektive dhe... Këlliçi: Sa më shumë prova e pasuri të fshehura, aq më shumë shijon lirinë Balluku! “Sfida ndaj drejtësisë së re, dëm i pa riparueshëm”/ Këlliçi: Balluku sillet sikur ka fituar trofe! Sa më s... “Gogu më kërcënoi me porosinë e Ramës”/ Ndreca: Veliaj tha të vërtetën. Pse hesht kryeministri?! “Buxhet i narkoshtetit”/ Berisha: Paketa e Ramës shkel Kushtetutën dhe ndëshkon qytetarët Prokuroria e Tiranës sekuestron 29 pasuri, mes tyre edhe 4 kompani farmaceutike Juventusi përgatit ofertën e majme për Taylor, Lazio vendos të mos shesë në janar Kosova kthen në kufi 27 tonë misër me aflatoksinë nga Serbia “Shtyni seancën, duhet të operohem”/ Ols Dado për kërkesën e Veliaj: Gjenda s’është emergjente! S’ të ndalo...
SHOWBIZ

Autobus plot me vajza në ditëlindjen e DiCaprios, po ku ishte partnerja e tij Vittoria?

P
Piranjat17 November 2026, 15:17 · 3 min lexim
Autobus plot me vajza në ditëlindjen e DiCaprios, po ku ishte

Ditëlindja e 52-të e Leonardo DiCaprios ka rikthyer në qendër të vëmendjes jetën e tij sentimentale, por këtë herë vëmendja nuk është përqendruar te lista e yjeve të pranishëm në festë, por te mungesa e partneres së tij, modeles italiane Vittoria Ceretti.

Aktori festoi të shtunën, më 14 nëntor, në një vilë private në Beverly Hills, ku mes të ftuarve u panë emra të njohur si Tobey Maguire, Al Pacino, Orlando Bloom dhe Jeff Bezos. Festa u shoqërua edhe me një performancë surprizë nga reperi 50 Cent, ndërsa një tjetër detaj nuk kaloi pa u vënë re: Vittoria nuk u shfaq në asnjë prej fotove të publikuara nga paparacët.

Mungesa e modeles ka nxitur menjëherë aludimet për një krisje të mundshme në marrëdhënien e çiftit, veçanërisht për shkak të kontrastit me festën e një viti më parë. Në atë kohë, Vittoria ishte protagonistja e disa pamjeve që u bënë virale, teksa i dërgonte DiCaprios tortën dhe qirinjtë e ditëlindjes.

Por këtë vit, asnjë fotografi së bashku dhe asnjë referim për praninë e saj në festë.

Dyshimet u shtuan edhe më shumë pas mbërritjes së një autobusi privat me vajza në vilën ku po zhvillohej festa. Mes tyre raportohet se ishte edhe influencerja Courtney Boerner, e njohur nga Love Island USA. Ky detaj riktheu në diskutim edhe një nga temat më të komentuara të jetës sentimentale të aktorit, të ashtuquajturin “rregulli i 25-vjeçareve”, duke qenë se Vittoria mbushi 28 vjeç në qershor.

Megjithatë, mungesa e saj në fotografitë e publikuara nuk është provë se marrëdhënia ka marrë fund. Sipas raportimeve të disa mediave amerikane, modelja mund të ketë qenë brenda vilës, larg vëmendjes së paparacëve. DiCaprio njihet për festat e organizuara me rregulla të rrepta privatësie, ku fotografimi brenda ambienteve është i ndaluar dhe të ftuarit shpesh shmangin hyrjet kryesore.

Çifti, i cili është në një lidhje që prej verës së vitit 2023, nuk ka reaguar publikisht ndaj zërave për një ndarje të mundshme. Përkundrazi, muajt e fundit janë shfaqur së bashku në disa momente të rëndësishme, ndërsa kanë kaluar edhe pushime në Saint-Tropez dhe Hawaii.

Për momentin, gjithçka mbetet në kuadrin e spekulimeve. Mungesa e Vittorias në ditëlindjen e aktorit ka mjaftuar për të ndezur thashethemet, por nëse bëhet fjalë për një krizë në çift apo thjesht për dëshirën e tyre për të ruajtur privatësinë, mbetet për t'u parë.

SHPËRNDAJE

Lexo edhe

SHOWBIZ

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.