16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SHOWBIZ
Jonida Vokshi ndryshoi mendje në moment të fundit, çfarë e bindi moderatoren të rikthehej në BBVK5?
PiranjatPërditësimi i fundit 2 November 2026, 15:19
Moderatorja Jonida Vokshi ka zbuluar prapaskenat e rikthimit në sezonin e pestë të “Big Brother VIP Kosova”, pasi në fund të gushtit kishte njoftuar se nuk do të ishte pjesë e këtij edicioni. Vendimi i saj për t’u rikthyer në krah të Alaudin Hamitit është marrë vetëm pak ditë përpara nisjes së spektaklit.
Në një intervistë, Jonida ka treguar se deri një javë para fillimit të programit nuk e kishte menduar rikthimin në këtë format. Megjithatë, malli për spektaklin dhe përvojën e krijuar gjatë katër sezoneve të mëparshme e kanë bërë të ndryshojë vendim.
Moderatorja ka pranuar se përgatitjet për një produksion të tillë kërkojnë shumë kohë dhe energji, ndaj rikthimi në momentet e fundit nuk ka qenë një vendim i lehtë. Pavarësisht angazhimeve të shumta, ajo ka vendosur t’i rikthehet ekranit dhe të provojë të gjejë ekuilibrin mes punës dhe familjes.
“Do mundohem t’i bëj të dyja, edhe Big-un edhe familjen”, është shprehur Vokshi.
Kujtojmë se në fund të gushtit, Jonida kishte njoftuar largimin pas katër edicionesh radhazi, duke shpjeguar se kishte nevojë të ngadalësonte ritmin dhe t’u kushtonte më shumë kohë dy fëmijëve të saj.
Në atë kohë, ajo kishte shkruar se dëshironte të ishte më e pranishme në jetën e tyre, pasi fëmijët po rriteshin dhe angazhimet profesionale e mbanin vazhdimisht larg.
Megjithatë, largimi nuk rezultoi përfundimtar. Vetëm pak ditë para nisjes së sezonit të ri, moderatorja ndryshoi mendje dhe vendosi të rikthehej në një format që e ka shoqëruar në disa prej periudhave më të rëndësishme të jetës së saj.
